13.09.2023 | 13:00

Саха сирэ уонна Кытай сөбүлэһии түһэристилэр

Саха сирэ уонна Кытай сөбүлэһии түһэристилэр
Ааптар: Киин Куорат
Бөлөххө киир

Балаҕан ыйын 12 күнүгэр Илиҥҥи экономическэй форумҥа Саха Өрөспүүбүлүкэтин бырабыыталыстыбата уонна Кытай тас дойдуларга тэрилтэлэри сайыннарыытын ассоциацията (CODA) эргиэн-экономическэй уонна инвестиционнай бииргэ үлэлээһин эйгэлэригэр икки өттүттэн өйдөһөр туһунан Меморандумҥа илии баттастылар. Бу туһунан  Өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрдэ.

Докумуоҥҥа Саха Өрөспүүбүлүкэтин Ил Дархана Айсен Николаев уонна Кытай тас дойдуларга тэрилтэлэри сайыннарыытын ассоциациятын (CODA) бэрэссэдээтэлэ Хэ Чжэньвэй илии баттаатылар.

Саха сирин баһылыга инники өттүгэр сир баайын хостооһуҥҥа уонна оҥорон таһаарыыга, итиэннэ IT эйгэтигэр ассоциацияны кытта бииргэ үлэлээһин кэскиллээх буолуоҕар эрэнэрин биллэрдэ.

Хэ Чжэньвэй иһитиннэрбитинэн, инвестиция өттүгэр ассоциация Арассыыйаны, Саха сирин кытта үлэлииргэ, бырайыактары сайыннарыыга интириэстээх.

Көрсүһүүгэ араас эйгэҕэ, ол иһигэр промышленнаска уонна инфраструктура сайдыытыгар, ойуур промышленнаһын комплексыгар уонна гааһы оҥорон таһаарыыга кэскиллээх үлэни дьүүллэстилэр.   Кэпсэтии IT уонна креативнай индустрия эйгэлэрин сайдыытын эмиэ таарыйда. Бүгүҥҥү күҥҥэ IT-өҥөлөрү оҥорууга Саха сирэ Уһук Илиҥҥэ бастакы миэстэҕэ, оттон Арассыыйа регионнарын ортотугар уон ахсаан иһигэр киирэр. Өрөспүүбүлүкэ бырабыыталыстыбата инновационнай инфраструктураны өйөөһүҥҥэ сөптөөх усулуобуйаны тэрийэр.

Былырыыҥҥы сыл түмүгүнэн, 2021 сылы кытта тэҥнээтэххэ, Саха сирин уонна Кытай икки ардыларыгар эргиэн кээмэйэ 90-ча %-нан үрдээтэ. 

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....