18.02.2022 | 12:00

Розаны үүннэрии албастара

(бассааптан)
Розаны үүннэрии албастара
Ааптар: Киин Куорат
Бөлөххө киир

Былырыыҥҥыттан куорат «Светофор» маҕаһыыннарыгар соҕуруу дойдуга үүнэр роза сибэкки атыыланар буолла. Евдокия диэн ааттаах оҕуруотчут онно бэйэтин сүбэлэрин биэрэр.

1. Дьиэҕитигэр аҕалан, воскатын хаҕылаабакка стимулятордаах ууга сытыары тимирдэн, биир суукка туруоруҥ. Оччоҕо розаҕыт этэ-сиинэ, умнаһа барыта илийэн, хас сүһүөҕүн аайыттан саҥа үнүгэстэр тахсан, лаглаччы үүнүөҕэ.

 

Стимуляторынан буолуон сөп: бастатан туран, Вертера Гумин, Эмбиота, Эпин, нв101, корневиннаах уу.

 

Онтон сарсыныгар буорга олордуҥ.

 

2. Буорун бэлэмнээһин

Эмтээһин. Лиитэрэ аҥаара ууга 2 ост.нь водород перекиһин суурайан, буоргутун барытын үчүгэйдик нашатырдаах ууну кута-кута үнтү мэлийэн, булкуйан эмтээҥ.

Эбэтэр оннук фитоспориннаах уу эмиэ барар: 20 хааппыла лиитэрэ ууга суурайаҕын.

Манан буорбутун эмтээн бүтэбит.

Оҥоруу. Сымнаҕас, силис үчүгэйдик сайдар буора буолуохтаах.

Тэпилииссэ да буора барсар, ириэрбэтэх буоллаххытына, маҕаһыынтан анал роза олордор буорда атыылаһыҥ. Онно 1/3 өрүс кумаҕын эбиҥ.

Тэпилииссэ, маҕаһыын да буорун хайаан да эмтиир наада.

Эбилик. Олордор саҕана силиһин аттыгар кыратык сиидэлэммит күлү уонна биир ытыс сиикэй сымыыты хатаран куттахха, өссө тупсар.

Олордуу. Үүнээйи прививкаламмыт сирин аһары көмөргүтүн учуоттаан, олордор иһиккит үрдүк соҕус буолара ордук. Иһит түгэҕинэн булгуччу хайаҕастаах буолуохтаах.

Бастаан түгэҕэр 3-4 см дренаж кутуллар. Атыы дренаһа суох буоллаҕына, кирпииччэ тоорохойдоро, кытаанах хара чох, бытархай өрүс тааһа да барсар. Пенопласт барсыбат, ньаппаччы баран, алларааҥҥы дьөлөҕөстөрү хам бүөлээн, салгын киллэриэ суоҕа.

Силиһин кичэйэн көннөрөн олордуллар. Прививкаламмыт миэстэтин (төгүрүк болчуохтаах) 1 см буорга аһары көмүллүөхтээх.

 

Олордон баран уу кутан үчүгэйдик дьаптайан биэриҥ. 4-5 күн хараҥа сиргэ турдун, сыыйа сырдыкка таһаарыҥ.

 

Хойуу соҕустук сэбирдэх таҕыстаҕына, ханнык баҕар үөнү эмтиир препаратынан (Фитоверм, Интавир, Актара, Зубр) ыстарыҥ.

Уонча хонон баран аны фитоспоринынан ыарыыттан көмүскээн ыстарыҥ.

Ыйга саатар биирдэ оннук оҥордоххо, үөн ыспакка, ыалдьыбакка, розаҕыт үчүгэйдик үүнүөҕэ.

Сонуннар

Ордук ааҕаллар

Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.
Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...