04.08.2022 | 14:00

Радиацияттан ыраастанар сүбэлэр

Радиацияттан ыраастанар сүбэлэр
Ааптар: Киин Куорат
Бөлөххө киир

1. Калийдаах үүнээйилэр киһини радиацияттан харыстыыллар. Онон сүбүөкүлэ, курага, моонньоҕон, сыалаах мас эриэхэтэ, петрушка, муора хаппыыстата аһылыккытыгар куруук баар буолуохтаах.  

2. Дьиэтээҕи сымыыт хаҕын сууйан, хатаран, нуутака оҥорон, аска да булкуйан туттуҥ, ким хайдах сөбүлүүрүнэн биир кыра ньуосканы суоракка, сүөгэйгэ булкуйан сиэҥ. Сымыыкка баар кремний, кальций, молибден организм радиацияны утары охсуһарыгар көмөлөһөллөр.

3. Эбиэс уутун иһиҥ. Ыстакаан эбиэһи 2 лиитэрэ ууга чаас курдук оргутуҥ. Күҥҥэ түөртэ чааскы аҥаарынан иһиҥ, хааҥҥыт ыраастаныа. Табахсыттартан кадмийи сууйан таһаарар.  

4. Үүттэ иһиҥ, иэдьэгэйдэ сиэҥ. Стронций курдук ыарахан металлы суурайан таһаараллар.  

5. Отон, фрукта сиидэлэммэтэх, хойуу утаҕын иһиҥ. Ыарахан металлары таһаараллар.

6. Календула, дөлүһүөн, бобуонньа сибэккитин көөнньөрөн иһиҥ. Радиация киһи этин-хаанын клеткаларыгар өтөн киириитин тохтотоллор.

7. Мүөтүнэн аһааҥ. Араас оттор, сибэккилэр көөнньөрүүлэрин эбэтэр аһы кытта. Холобур:

а) Мүөт + мэлиллибит дөлүһүөн. Киилэ аҥаара отоҥҥо ыстакаан аҥаара мүөтү буккуйан, холодильникка уура сылдьан, күөх чэйгэ биир кыра ньуосканы кутан иһиҥ.

Б) Мүөт + кыһыл сарбынньах + дөлүһүөн отоно.  Биирдии остолобуой ньуоска отону биир ыстакаан ууга 5 мүнүүтэ курдук оргутаат, сылааска өссө икки чаас курдук көөнньөрүҥ. Сиидэлээн баран мүөккүтүн холбооҥ. Манныгы чааскы аҥаарынан күҥҥэ үстэ истэххэ, радиацияны таһаарар, иммунитеты бөҕөргөтөр.

В) Мүөт + өкөр төбө (пустырник). Аптекаҕа атыыланар испиирдээх өкөр төбөнү 30 хааппыланы ыстакаан аҥаара сылаас ууга суурайан баран, биир остолобуой ньуоска мүөтү кытта холбооҥ. Маны күҥҥэ иккитэ биирдии омурдууну иһиҥ.  

8. Аччыктааҥ! Ордук буруо кэнниттэн. Аччыктааһын кэмигэр киһи организмыгар клеткалар үөскээһиннэрэ бытаарар. Ол оннугар клетка чөлүгэр түһүүтэ саҕаланар.  

9. Онкологическай клеткалар өллөхтөрүнэ, күүстээх интоксикация барар. Онон химия кэнниттэн интоксикацияны ыраастана охсуллуохтаах. Аптекаларга «Семена льна» диэн тирбэҕэ от (лён) сиэмэтэ баар. Саамай күүстээх радионуклиды, токсины, химияны таһаарар от. Ыстакаан тирбэҕэ сиэмэтин 3 лиитирэ ууга кутан, иһиккитин уулаах иһит нөҥүө (водяной баня) 2 чаас оргутуҥ. Эт сылааһыгар диэри сойутан баран, икки нэдиэлэ курдук (уонча күн) күҥҥэ биирдии лиитирэни иһиллэр. Химия кэнниттэн радионуклидтар хайаан да тахсыахтаахтар.  

10. Ньыыкан эмчит ньыматын туттуҥ. Хатыҥ чоҕо + сүөгэй.  Чааскы аҥаара сүөгэйгэ соччо хатыҥ чоҕун мэлийэн буккуйуҥ уонна барытын биирдэ олордон кэбиһиҥ. Сүһүрүүнү, үөһү таһаарар.

Сонуннар

Ордук ааҕаллар

Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....
НВК Саха бырагыраамата от ыйын 1-7 күннэригэр
Сонуннар | 30.06.2024 | 10:00
НВК Саха бырагыраамата от ыйын 1-7 күннэригэр
Понедельник, 1 июля  6:00 Сана кун 6+ 7:00 Международные дневники МСИ "Дети Азии" 6+ 7:05 Сана кун 6+ 8:00 Утро Якутии 6+ 9:00 "Якутия" информационная программа 12+ 9:15 Сана кун 6+ 10:00 Дневник Игр "Дети Азии" 6+ 10:15 Саха сатаабата суох 6+ 10:45 О5о саас ыллыыр 6+ 11:00 VIII  Игры...