29.10.2020 | 08:15

Оптуобустарга рециркулятор көдьүүстээҕэ билиннэ

Оптуобустарга рециркулятор көдьүүстээҕэ билиннэ
Ааптар: Киин Куорат
Бөлөххө киир

Бу иннинэ 41 №-дээх оптуобуска туруоруллубут салгыны ыраастыыр «Jera UV Air Cleaner Bus» рециркулятор көдьүүстээҕин көрдөрдө. Бу туһунан Дьокуускай куорат дьаһалтатын тырааныспарга уонна суолга-иискэ салаата иһитиннэрэр.

Ол курдук, алтынньы 24 күнүгэр киин куорат дьаһалтатын сакааһынан М.К. Аммосов аатынан ХИФУ научнай-чинчийэр лабораторията «Air IDEAL» анал аппараат көмөтүнэн оптуобустарга чинчийии ыытта. Ол курдук, алтынньы 16 күнүгэр 41 №-дээх оптуобус салонугар үс араас сиргэ туруоруллубут рециркулятор үлэтин бэрэбиэркэлээтилэр, онно салгын киртийиитин быһаардылар. Маннык курдук экспертизаны рециркулятора суох 7 №-дээх оптуобуска ыыттылар.

ХИФУ старшай научнай үлэһитэ Яна Ахременко иһитиннэрбитинэн, рециркулятордаах 41 №-дээх оптуобуска 150 лиитирэ салгыҥҥа микроб уопсай ахсаана 201 КОЕ-ҕа тэҥнэспит. Оттон салгыны ыраастыыр прибора суох оптуобуска маннык көрдөрүү 377 КОЕ буолбут.

Рециркулятора суох оптуобуска 1 куб.миэтэрэ салгыҥҥа микроб уопсай ахсаана  2.513 КОЕ, оттон прибор турар оптуобуһугар 1.340 КОЕ тэҥнэспит. Маны таһынан, «Jera UV Air Cleaner Bus» уопсастыбаннай тырааныспар салгыныгар сылдьар түүнүгү уонна тэллэйи суох оҥорбут.

Ол курдук, чинчийии көрдөрбүтүнэн, рециркулятора суох оптуобуска салгын ордук киртийэрэ билиннэ.

«Джера Ай» хааччахтаммыт эппиэтинэстээх тэрилтэ дириэктэрэ Петр Неустроев хампаанньа пандемия саҕаланыаҕыттан маннык ультрафиолетовай светодиоднай лаампалары оҥорон саҕалаабытын туһунан кэпсээтэ. Маннык прибордар көдьүүстээхтэр, дьоҥҥо куттала суохтар диэтэ.

IT-паарка резиденэ кыбартыыра, дьиэ, тырааныспар салгынын ыраастыыр девайстары айан, оҥорон таһаарар санаалаах. Хампаанньа оптуобустарга маннык прибордары туруоруҥ диэн этиилээх.  

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)