Оптуобустар сырыылара уларыйыан сөп

Куорат салалтата уопсастыбаннай тырааныспары саҥардар уонна оптуобустар сылдьар схемаларын уларытар туһунан толкуйдуур. Бу туһунан баһылык эбээһинэһин толорооччу Евгений Григорьев Пригороднай нэһилиэнньэтин кытта көрсүһүүгэ иһитиннэрдэ.

Нэһилиэк олохтоохторо оптуобус маршрутун эбэр туһунан туруорсаллар.

“18 маршрут баарыттан Ленин проспегынан 11-рэ сылдьар. Тоҕо диэтэххэ предпринимателлэр барыһыралларыгар анаан оҥоһуллубут, куорат олохтоохторун кыһалҕаларын быһаарарга буолбатах”, – диэн бэлиэтээтэ Евгений Николаевич.

Салалта олохтоох дьаһалтаҕа оптуобус маршрутун бас билээччилэри кытта көрсүһэр былааннаах. Онно бу боппуруоһу дьүүллэһиэхтэрэ диэн якутск.рф сайт иһитиннэрэр.