Онлайн Ыһыах күрэхтэригэр кыттыҥ
Култуура уонна духуобунас сайыдыытын управлениета, Үрүҥ Тунах уйгу-быйаҥ Ыhыахпытын көрсө, бэс ыйын 8 күнүттэн 20 күнүгэр диэри, үйэлэр тухары көлүөнэттэн-көлүөнэҕэ бэриллэн кэлбит норуот уус-уран айымньытын араас көрүҥнэригэр куйаар ситимин нөҥүө ыытыллар күөн күрэстэргэ кыттарга ыҥырар.
Күрэстэр балаһыанньаларын, ыытыллар бэрээдэгин Дьокуускай куорат културатын уонна духуобунай сайдыытын управленията instagram сирэйигэр @upravlenie_cultury_yakutsk, www.cultura14.ru сайтка билсиэххитин сөп. Кыттааччылартан төлөбүр ирдэммэт.
Дьүүллүүр сүбэҕэ идэтийбит саха фольклорун тэнитээччилэр, тарҕатааччылар үлэлиэхтэрэ.
Бары кыттааччыларга https://www.cultura14.ru/ сайтка сертификат туттарыллыа, кыайыылаахтары дипломнар, анал бириистэр күүтэллэр.
Түмүк бэс ыйын 21 күнүгэр https://www.cultura14.ru/ сайтка тахсар.
| № | Фольклор күрэхтэрэ | Буолар күнэ | Буолар сирэ |
| 1 | «Хомус – дьиэ кэргэн биһигэ» өрөспүүбүлүкэтээҕи хомусчут дьиэ кэргэн ансамбылын күрэҕэ | Бэс ыйын 8 -19 күннэрэ | хештег #ХомусЫсыахТуймаады2020 Хомус музейын инстаграм страницатыгар @ilkhomus |
| 2 | «Чыыбы-чаабы чабырҕахтар» чабырҕаҕы толоруу күрэҕэ | Бэс ыйын 8 -19 күннэрэ | хештег #Чабыр5ахЫсыахТуймаады2020 Инстаграм @archy_jiete_konkurs |
| 3 | «Олоҥхо алыптаах дойдута» олоҥхону толоруу күрэҕэ | Бэс ыйын 9 -19 күннэрэ | хештег #ОлонхоЫсыахТуймаады2020 Инстаграм сирэйэ @archy_jiete_konkurs |
| 4 | «Дьиэрэһитэр Дэгэрэҥ» дэгэрэҥ ырыаны толоруу күрэҕэ | Бэс ыйын 9 -19 күннэрэ | хештег #ДэгэрэнЫсыахТуймаады2020 Инстаграм сирэйэ @archy_jiete_konkurs |
| 5 | «Оһуохай» - Улуу Кыайыы 75 сылыгар уонна фронтовик оһуохайдьыт , Саха сирин Аар Дархан этээччитэ А.Т.Титаров аатыгар анаммыт оһуохай этээччилэрин күрэҕэ | Бэс ыйын 14 -20 күннэрэ | хештег #ОсуохайЫсыахТуймаады2020 Оһуохай түмсүү instagram сирэйигэр @Osuokhay |
Сонуннар
Ордук ааҕаллар
