31.03.2020 | 16:23

Онлайн үлэҕэ чэпчэкитик көстүбүт

Онлайн үлэҕэ чэпчэкитик көстүбүт
Ааптар: Киин Куорат
Бөлөххө киир

Кэлии-барыы хааччахтаныаҕыттан Дьокуускай үгүс тэрилтэлэрэ ыраахтан үлэлээһин ньыматыгар көһөн олороллор. Киин куорат биир бөдөҥ микрооройуонугар,  Мархаҕа, «Пульс» кулууп нэһилиэнньэ олоҕун сэргэхситэр, тигинэччи үлэлии олорор, күн аайы толору киһилээх  биир сүрүн тэрилтэ этэ. Төһө да анал киэҥ-куоҥ дьиэлэрэ суох буоллар, айар үлэһиттэр уһуйааҥҥа бара илик оҕолортон саҕалаан, кырдьаҕастарга тиийэ хабан үлэ хайысхаларын тобулаллар.

Киин специалистэрэ үлэбитин барытын кэм ирдэбилинэн, саҥа ньымалары олоххо киллэрэн толоро олоробут диэн кэпсииллэр.

Лена Сорокина – «Пульс» култуурунай-чэбидигирдэр киин үлэһитэ:

- Сибээс, интернет, социальнай ситимнэр күүскэ сайдан турар кэмнэрэ буолан үлэбит чэпчэкитик онлайн эрэһиимҥэ көстө. Салайааччыбыт Анастасия Николаевна Кычкина салалтатынан үлэ тэтимэ өссө күүһүрдэ.

Ол курдук, @pulse_markha инстаграмм аккауммутугар күн аайы туһалаах информация тахсар. Гитара преподавателэ Анастасия Кузьмук гитараҕа оонньуон баҕалаахтарга анаан видео-уруоктары устан таһаарар. «Радиопульс» диэн сана саҕалааһын чэрчитинэн, сурутааччыларбыт, араадьыйаҕа курдук, сакаастаабыт ырыаларын биһиги преподаватэлбит гитараҕа доҕуһуоллаан ыллыыр. Ким баҕалаах суруттаран үөрэниэххитин, ырыа сакаастаан истиэххитин сөп.

Биһиги сыллааҕы былааҥҥа киллэрбит тэрээһиннэрбитин барытын оҥорор санаалаахпыт. «Гармония» диэн сыллата буолар ырыа уонна үҥкүү күрэҕин  быйыл кэтэхтэн ыытабыт. Ол курдук, «Танец от сердца» улахан дьон үҥкүү кэллэктииптэрин куонкуруһа, хоһоонньут оҕолорго аналлаах күрэх, «Все будет хорошо» ырыа ыллыан баҕалаахтарга ырыа күрэҕэ о.д.а. былааннаммыт тэрээһиннэрбит биир-биир тахсан иһиэхтэрэ.

Екатерина Афанасьевна Гомбоева салайааччылаах үҥкүү куруһуогар дьарыктанар оҕолор бассаап бөлөх нөҥүө сорудах ылан толороллор, үнкүү хамсаныыларын үөрэтэллэр. Оннук хабааннаах Ольга Петровна Чемпосова вокальнай-хоровой студиятын ырыаҕа күн аайы дьарыктыыр. «Эдэр корреспондент оскуолата» куруһуок оҕолоро дьиэҕэ олорон өйтөн суруйууларын миэхэ ыыталлар.

Аныгы кэм оҕолоро олус сайдыылаахтар, үгүстэрэ кыра саастарыттан төлөпүөннээхтэр, интернет ситимигэр толору холбонуулаахтар. Уһуйаан оҕото кытта бэйэтин видеоҕа устан Like приложениеҕа таһаарар. Ол билиилэрин сөптөөх хайысхаҕа салайаары, “JUNIOR” оҕо студията быйыл передача устан саҕалаата. Манна оҕолор бэйэлэрэ усталлар, ыытааччы оруолун толороллор.

Оҕолорбут бары олус кыһаллаллар, төрөппүттэрбит өйүүллэр. Оҕо хайаан да эбии дьарыктаах, интэриэһиргиир хоббилаах буолуохтаах дии саныыбын. Оччоҕо кини тулалыыр эйгэтэ хаачыстыбалаах уонна дьиҥнээхтик толору буолар.

Быйыл олунньу ыйга «Пульс» иһинэн «8 марта» диэн кэрэ аҥаардар сайдар кулууптарын  арыйбытым. Бу кулуубу тэрийэрбэр миэхэ элбэх оҕолоох ийэ, араас бырайыактары олоххо киллэрэр фитнес-тренер Сардана Михайлова настаабынньык буолбута. Биһиги иккиэн идеяларбытын холбоон, Мархаҕа олорор, сааһыттан тутулуга суох, кэрэ аҥаардары мунньаммыт номнуо үлэбитин саҕалаатыбыт. Хас субуота ахсын “Пульска” кэлэн лекция, семинар, маастар-кылаас ыытар этибит. Онтон билигин онлайн көстүбүт. Ол курдук, “фитнес-онлайн” ыытабыт, аһаҕас кэпсэтиилэри тэрийэбит.

Кыайыы 75 сылыгар анаан ааксыйа биллэрдибит. Баҕалаахтар сэриигэ кыттыбыт эһээлэрин, хос эһээлэрин туһунан суруйуулары ыыталлар.

Бу күннэргэ инстаграмҥа архыыптан хомуйан онлайн-кэнсиэр көрдөрдүбүт. Туох да буолбутун иһин олох салҕанар,  дьон сынньалаҥын тэрийэр үлэ ыытыллар.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...