01.02.2021 | 07:49

ОЛУННЬУТТАН ОЛОХХО КИИРЭР СОКУОННАР

ОЛУННЬУТТАН ОЛОХХО КИИРЭР СОКУОННАР
Ааптар: Киин Куорат

Социальнай ситимнэргэ быдьар тылынан үөхсүүнү бобуу уонна цензура киирэр. Социальнай төлөбүрдэр уонна босуобуйалар индексацияланаллар. Сокуон эйгэтигэр бу уонна да атын кэккэ уларыйыылар олунньу ыйтан олоххо киирэн барыахтара.

Биллэн турар, тохсунньуга курдук элбэх буолбатах эрээри, хайаан да билиэхтээх сокуоннарбыт күүстэрин ылаллар.

Социальнай төлөбүрдэр индексациялара

Инфляция бырыһыаныттан тутулуктаах социальнай төлөбүрдэри хаттаан көрүөхтэрэ. Бырабыыталастыба үгэс быһыытынан индексацияны тохсунньуга суоттуур.

Байыаннай хамсааһыннар бэтэрээннэригэр, Чернобыль саахалын уонна да атын радиационнай саахаллар кыттыылаахтарыгар, инбэлииттэргэ, оҕолоох ыалларга, ССРС, Арассыыйа уонна Үлэ геройдарыгар, о.д.а. сыһыаннаах буолуоҕа. Өлбүт киһини көмүүгэ, үлэлиир кыаҕы сүтэриигэ, о.д.а. страховкалаах төлөбүрдэр үрдүөхтэрэ.

Индексация коэффициена 1, 049 буолуохтаах. Ол аата босуобуйалары уонна көмө төлөбүрдэри 4,9 бырыһыан индексациялыахтара. Индексация бырыһыана 2020 сыл түмүгүнэн ааҕыллар.

Социальнай ситимнэргэ кытаанах цензура киирэр

Олунньу 1 күнүттэн Роскомнадзор интэриниэт-ресурсалары “социальнай ситимнэр” реестрдэригэр киллэрэр буолуоҕа. Социальнай ситим ирдэбиллэригэр эппиэттиир сайтар бары реестргэ киириэхтэрэ. Биир сүрүн ирдэбил – сууккаҕа 500 тыһ. киһи киирэр буоллаҕына.

Саҥа сокуоҥҥа олоҕуран, социальнай ситимнэргэ цензура үлэлиэхтээх. Хас биирдии ситим сокуону кэһэр контены (оҕо порнографията, наркотик оҥоруутун туһунан видеолар, о.д.а.) бэйэтэ быһаарыахтаах уонна сотторон иһиэхтээх. Маны тэҥэ политическай хайысхалаах этиилэри булуохтаах, холобур, былааһы утарар аахсыйалар туһунан информацияны.

Социальнай ситимнэргэ быдьар тылынан үөхсүү бобуллар. Ол эрэн сокуон маны хайдах хонтуруоллуура чуолкай быһаарылла илик.

Тырааныспарга уларытыыны киллэрдэхпитинэ

Тырааныспарга уларыта тутуулары киллэрбит буоллаххытына, ону докумуоҥҥа киллэрии уустуктардаах буолла. ГИБДД аккаастыыр төрүттэрэ кэҥээн биэрдэ.

Докумуоннар анал ресстргэ киирбит буолуохтаахтар. Техническэй экспертиза, бэрэбиэркэ боротокуола барыта эрдэ оҥоһуллуохтаах.

Оҥоһуу үүт хонтуруолланыаҕа

Таможеннай сойуус Техническэй регламеныгар бороһуоктан оҥоһуллубут үүккэ анал ирдэбиллэр олохтоннулар. Ол  аата оҥоһуу үүт хаачыстыбата дьэ хонтуруолланар буолла.

Сонуннар

Ордук ааҕаллар

Ырыанан аата тилиннэ
Дьон | 05.05.2022 | 11:00
Ырыанан аата тилиннэ
Ааспыт үйэ 60-70 сыллара... Эдэркээн киһи бэйэтин хоһооҥҥо холонор... Тыа сирин муҥкук, сэмэй уола оччотооҕуга хантан билиэ, сэрэйиэ баарай, инники олоҕун оҥкулун...   Олох диэн дьикти. Өлбүт да кэннэ иккистээн тиллэр, олох олорор диэн баар буолар эбит. Кини орто дойду олоҕуттан арахсыбыта быданнаабытын кэннэ... ол хоһооннорун нөҥүө тилиннэ, бэйэтэ суруйан хаалларбытыныы,...
«Күөх Ньурба»: айылҕа эмтиир күүһүн туһанан
Дьон | 06.05.2022 | 15:00
«Күөх Ньурба»: айылҕа эмтиир күүһүн туһанан
Дьоҥҥо-сэргэҕэ үтүөнү оҥорор баҕа санааны олоххо киллэрэн, Ийэ айылҕабыт биэрэр сүдү күүһүн таба туһаныахха, онно эбии билиини-көрүүнү, сатабылы дьүөрэлээн, бизнес эйгэтигэр бэйэ суолун-ииһин булуохха сөп. Бүгүҥҥү дьоруойдарбыт тустарынан аҕыйах тылынан билиһиннэрдэххэ, итинник.      Дмитрий, Дайаана Саввиновтар 2013 сылтан дьиэ кэргэнинэн ыҥырыа иитиитинэн дьарыктаналлар. Бастаан ыал ийэтин дойдутугар – Сунтаарга үлэлээн саҕалаабыттар....
Бэртээхэй да идэ — бэтэринээр
Сонуннар | 04.05.2022 | 16:24
Бэртээхэй да идэ — бэтэринээр
Муус устар 30 күнүгэр Бэтэринээр күнэ буолан ааста.  Бу идэ биһиэхэ, сүөһүлээх-сылгылаах сахаларга, олус чугас. Биһиги Хатаспатыгар былыр-былыргыттан бэтэринээрдэр баар буоланнар, устуоруйаҕа киирбит аймалҕаннаах, элбэх сүтүктээх бруцеллез, сэллик курдук сыстыганнаах ыарыылар суох буолбуттара. Ама да ааспытын иһин, улахан хоромньуну таһаарбыт ыарыыны суох гынаары, саҥа атахха туран кэҥээн-тэнийэн эрэр хаһаайыстыбалары эһэн,...