13.11.2020 | 17:47

НОЛУОККУН ТӨЛӨӨ - ХОЛКУТУК УТУЙ

НОЛУОККУН ТӨЛӨӨ -  ХОЛКУТУК УТУЙ
Ааптар: Киин Куорат

Ахсынньы 1 күнүгэр диэри хас биирдиибит бэйэ бас билиитигэр баар баай-дуол, ол курдук сир, тырааныспар, дьиэ-уот иһин  нолуогу төлүөхтээхпит туһунан бэркэ билэ, истэ сылдьар буолуохтаахпыт. Кэнники сылларга хамсаабат баай-дуол иһин нолуогу төлүүрү таһынан, бассаап ситимигэр ыкка, куоскаҕа, сир аһыгар, отоҥҥо, тэллэйгэ, о.д.а. нолуок киирбитин туһунан иһитиннэриилэри элбэхтик ааҕабыт. Социальнай ситимнэргэ үксүн оруна суох сонуннар тарҕаналлара хомолтолоох. 

“Биирдиилээн дьонтон ылыллар баай-дуол нолуога” диэн өйдөбүлгэ нолуок 3 көрүҥэ киирэр:

  • хамсаабат баай-дуол (имущество) иһин нолуок,
  • сир нолуога,
  • тырааныспар нолуога.

Бэйэлэрэ бас билэр кыбартыыралаах, чааһынай дьиэлээх, хостоох, гаражтаах, онтон да атын тутуулардаах дьон ити иһин нолуок төлүүр эбээһинэстээхтэр. Оттон бэйэлэрин ааттарыгар массыыналаах, тыраахтардаах, матасыыкыллаах – о.э. суол, уу уонна да атын көлөлөөх дьон, тырааныспар нолуогун булгуччу төлүөхтээхтэр. Оттон сир нолуогун бэйэ бас билиитигэр  сирдээх дьон бука бары төлүүллэр.

Былырыыҥҥыттан уведомление кэмбиэригэр урукку сылларга курдук төлөбүр квитанцията угуллубат. Ол оннугар нолуок төлөбүрүн реквизитэ уонна штрих-кода уведомлениеҕа бэйэтигэр суруллар буолбута. Бу маны туһанан ааҕыллыбыт нолуогу дьон суотабай төлөпүөнүнэн эбэтэр баан терминалын нөҥүө төлүүр кыахтаахтар. Бу иннинэ нолуогу төлөөччү баар нолуоктара барыта киллэриллэр этэ. Оттон билигин тустаах нолуок ааҕыллыбыт баайа-дуола эрэ суруллар буолла.

Билиҥҥи хааччахтарынан кэлии-барыы аҕыйаабыт кэмигэр уонна туох барыта онлайн буолбут сайдыылаах олоххо, нолуогу электроннай ньыманан төлүүр туох да уустуга суох. Ким баҕарар ФНС саайтыгар киирэн, нолуогун  тус кабинетын көмөтүнэн төлүөн сөп. www.nalog.ru  сайтка киирэн, “Личный кабинет налогоплательщика физического лица” өҥөтүнэн туһанан, ону таһынан мобильнай төлөпүөҥҥэ “Налоги ФЛ” сыһыарыыны киллэринэн төлөһүөххэ сөп. Онон төһө нолуок ааҕыллыбытын уонна нолуокка төһө иэс баарын-суоҕун билэр кыах толору баар. “Налоги ФЛ” сыһыарыыны туһаныан баҕалаах киһи “Госуслуги” порталыгар регистрацияламмыт эбэтэр нолуок уорганыттан сыһыарыыга киирэр коду ылыахтаах.

Урут нолуогу иккитэ аҥаардаан төлүүр  этибит. 2011 сылтан баай-дуол нолуогун ыйыллыбыт толору кээмэйэ сылга биирдэ уопсай төлөнөр буолбута.

Билигин Дьокуускай олохтоохторун бас билиигэ нолуокка иэһэ – 66,4 сөл. солк., сир нолуогар - 27,9 мөл. солк.

Олохтоохтор куорат бүддьүөтүгэр иэстэрэ 92,3 мөл. солк. буолла.

Былырыыҥҥы төлөнө илик иэс – 162 мөл. солк.

Бэлиэтээн эттэххэ, хас биирдиибит төлөөбүт нолуога куорат сайдыытыгар көмө буолар. Бас билиигэ уонна сир нолуога толору киин куораппыт бүддьүөтүгэр киирэллэр.

 НДФЛ нолуогуттан 40 бырыһыана эрэ куоракка киирэр. Тырааныспар нолуога толору өрөспүүбүлүкэ бүддьүөтүгэр барар.

Быйыл коммунальнай өҥөлөр иһин төлөбүргэ Дьокуускай олохтоохторун иэһэ 595,5 мөл. солк. тиийдэ! ТСЖ-лар уонна салайар хампаанньалар иэстэрэ – 188 мөл. солк. буолла.

Нолуоккутун кэмигэр төлөөҥ – Саҥа дьылы иэһэ суох көрсүҥ!

Сонуннар

Ордук ааҕаллар

Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Юрий Попов: «Барыта улахан үлэттэн тахсар»
Дьон | 25.11.2022 | 16:00
Юрий Попов: «Барыта улахан үлэттэн тахсар»
Дьокуускайга Тупсарыы үс сыла биллэриллэн, бу диэн эттэххэ, киин куоракка, чахчы, үтүмэн үлэ ыытылынна, ону олохтоохтор даҕаны бэйэҕит көрө-истэ сылдьаҕыт.  Быйыл сайын «Уһук Илиҥҥэ 1000 тиэргэн» федеральнай бырайыагынан Дьокуускай куоракка 75 тиэргэн тупсаран оҥоһулунна. Саамай элбэх эбийиэккэ бэдэрээтчитинэн «Основа» ХЭТ үлэлээтэ. Онон бүгүҥҥү нүөмэрбитигэр бу тэрилтэ эдэр салайааччыта Юрий Поповы...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...