06.12.2023 | 15:00

«NeoOlonkho» бэстибээл эдэр толорооччулары түмтэ

«NeoOlonkho» бэстибээл эдэр толорооччулары түмтэ
Ааптар: Киин Куорат
Бөлөххө киир

Саха сирин, Алтай, Башкортостан, Калмыкия, Тыва, Казахстан уонна Киргизия бэрэстэбиитэллэрэ «NeoOlonkho»  ыччат норуоттар икки ардыларынааҕы бэстибээлгэ кытыннылар.

Бэстибээл «Үлэ кыбаартала» креативнай кластерга ыытылынна.

Санаа атастаһыытын балаһааккатыгар учуонайдар, чинчийээччилэр, фольклор кэлэктииптэрин салайааччылара оҕону уонна ыччаты эпическэй нэһилиэстибэҕэ сыһыарарга уопут атастастылар.  

Тэрээһиҥҥэ олоҥхону толорууга уонна «Олоҥхо уобарастара» күрэхтэр, «Үгэс уонна аныгы олох» быыстапка ыытылыннылар. Маастар-импровизатор Руслан Габышев «Дорҕоон тыына» медитацияны тэрийдэ.

Итини сэргэ, Национальнай библиотекаҕа экспертэр фольклорист оскуолатын тэрийии туһунан дьүүллэстилэр. Бэстибээл түмүгүнэн аан дойду духуобунаһын төрүттүүр улуу эпостар тустарынан научнай кинигэ тахсыаҕа.

Бэстибээл Бэрэсидьиэн гырааннарын пуондатын өйөбүлүнэн тэрилиннэ. Бырайыак ааптара – Мэҥэ Хаҥалас улууһунааҕы Олоҥхо дьиэтэ – Г.Г. Колесов аатынан улуустааҕы норуот айымньытын киинэ.

 

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!