16.03.2022 | 09:00

Музыка оскуолатын быыстапката

Музыка оскуолатын быыстапката
Ааптар: Наталья Руфова

Хатас нэһилиэгин быйылгы биир дьоһун тэрээһининэн олохтоох музейга уочаратынан тэрилтэлэр көһө сылдьар быыстапкалара буолар. Оскуолабыт быыстапкатын туһунан кэпсээбиппит. Бэҕэһээ, кулун тутар 15 күнүгэр, Хатастааҕы музыка оскуолата 44 сыл усталаах туоратыгар тугу үлэлээн-хамсаан, кэҥээн-тэнийэн кэлбитин кэпсиир истиэндэлэр, хаартыскалар,  үҥкүү көстүүмнэрэ, музыкальнай үнүстүрүмүөннэр, кыайыыны-хотууну туоһулуур кубоктар  уо.д.а. тэлгэммит, ыйаммыт, ууруллубут быыстапката арылынна.


1978 сыллаахха үс үлэһиттээх 50 оҕолоох арыллыбыт оскуола күн бүгүн төһө-хачча буолбутун истэ-көрө, сэргэҕэлии кэлбит дьон история страницаларын арыйан, бэрт сэргэх сэһэни-кэпсээни иһиттибит, көрдүбүт. 44 сыл история кээмэйинэн оҕотук саас, онтон нэһилиэк холугар, күннээҕи олоххо  кырата суох кэм. Бу сыллар тухары дойдуну кытта тэҥҥэ хаамсан, сайдан-үүнэн, силиһэ-мутуга дириҥээн, аал луук маһа сириэдийэн, икки СӨ култууратын үтүөлээх уонунан СӨ култууратын туйгуна үлэһиттээх буспут-хаппыт, үлэлиир кыахтаах уонна баҕалаах кэлэктиип ситимнэһэ субуллар ситиһиилэрдээх даҕаны, үлүмнэһэ эккирэтэр ситиһиллиэхтээх сыаллаах-соруктаах даҕаны. Оскуоланы, анал үөрэҕи бүтэрэн баран кэлэн үөрэппит учууталларынаан тэҥҥэ үлэлэһэ сылдьар Анастасия Охлопкова, Екатерина Егорова, Айыына Сивцева Постникова  утум ситимэ быстыбатын туоһута буолаллар. Улуу Москуба куоракка Строганов аатынан академияны бүтэрбит Акулина Шелковникова СӨ Ойуулуур-дьүһүннүүр ускуустуба түмэлигэр исписэлииһинэн үлэлии сылдьара эмиэ  бу оскуола ситиһиитэ, киэн туттуута буолар. "Тускул" КК хореографтыы сылдьар Дайаана Иванова эмиэ бу оскуола выпускницата. Быйыл М.Жирков аатынан Дьокуускайдааҕы музыкальнай училищены бүтэрээри сылдьар Саша Белолюбскай бу оскуола норуодунай үнүстүрүмүөннэр отделениетын бүтэрбитэ.Күн бүгүн манна атын музыкальнай оскуолаларга дириэктэрдээбит үс учуутал үлэлии сылдьара эмиэ биир туспа сонун.  Оскуола тэриллиэҕиттэн 44 сыл биир хардыыны туора хаампакка, биир боруогу атыллыы сылдьар Зинаида Оконешникова кэпсиирэ-сэһэргиирэ элбэх. 
Оскуола кэлэктиибин "Гармония"вокальнай ансаамбыла, норуот үнүстүрүмүөннэрин  "Сандал" оркестра бу тэрээһини күүркэтэн, киэргэтэн биэрдэ. Кэлбит дьону-сэргэни, тэрийээччилэри Хатас олохтоох дьаһалтатын салайааччыта Пермяков Евгений Петрович эҕэрдэлээтэ. История страницаларын арыйан айаннатта Саргылана Григорьева. Кэпсээни отделениелар салайааччылара салҕаатылар. 


Алгыстаах алаадьынан айах тутан, сэргэхситэр сэһэннээх, кэрэхсэтэр кэпсээннээх үтүөкэн үлэһиттэрдээх Хатастааҕы оҕо ускуустубатын оскуолатыгар (директор Лемешева Христина Николаевнаҕа) барҕа махтал. Махтал түмэлбит дьиэтин куруутун ыраастык, чэбэрдик көрөн, киһи эрэ сылдьыан курдук тупсаҕай көрүҥнүүр Баишев Петр Анатольевичка.
Музей бу күннэргэ хайдах үлэлиирин туспа биллэриэхпит. 

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Похуоттуу бардыбыт!
Сынньалаңңа | 14.05.2022 | 15:33
Похуоттуу бардыбыт!
Бу күннэргэ дьиэ кэргэнинэн, кылааһынан похуоттар саҕаланыахтара. Үчүгэй сынньалаҥы көрдөөх бырагыраама киэргэтэр. Сөбүлэһэҕит? Оччоҕуна “Киин куорат” бэлэмнээбит оонньууларын сэргээҥ, сэҥээриҥ!    Хамсаныылаах оонньуулар «Светофор» Хонууга эбэтэр балаһааккаҕа оонньонор. Онно икки уһун сурааһыны тардаҕыт. Бастакы сурааһын кэннигэр кыттааччылар оонньуу саҕаланыытыгар тураллар. Оттон иккис сурааһыҥҥа диэри ыытааччыттан (эккирэтэр киһи) куотан тиийиэхтээхтэр. Бастаан ыытааччыны...