24.10.2020 | 14:46

Мультиваркаҕа астыыбыт

Мультиваркаҕа астыыбыт
Ааптар: Киин Куорат

Аҕыйах сыллааҕыта  мультиварка диэн көмөлөһөөччүлэнэ сылдьыбыппыт. Бастаан үөдүйэрин саҕана онто суох сатаммат курдук буолбуппут. Сонуна ааһан, кэлин туттарбыт аҕыйаата. “Ээ, пахай, биһиэнэ таах быыллыйа турар”, – диир хаһаайкалар эмиэ бааллар. Онон бүгүн мультиваркаҕа астанар сонун бүлүүдэлэр ырысыаптарын таһаарабыт.

Сыырдаах, тэллэйдээх, кууруссалаах миин

  • 200 г тэллэй (сибиэһэй эбэтэр тоҥоруллубут)
  • 250 г куурусса куҥ этэ
  • 300 г ууллаҕас сыыр
  • 100 г ыыһаммыт грудинка
  • 200 г хортуоппуй
  • 150 г эриэппэ луук
  • 100 г моркуоп
  • 50 г ириис
  • 700 мл уу
  • 200 мл 22-33 %-наах чөчөгөй (сливки)
  • 1-2 лавр лииһэ
  • 3-4 сыттаах биэрэс туорааҕа
  • ыһаарылыырга мас арыыта
  • туус.

Бастаан луугу, моркуобу ыраастаан кырбыыбыт. Грудинканы эмиэ. Куурусса этин, хортуоппуйу бөдөҥ соҕус гына кырбыыбыт. Мультиварканы “Жарка” диэн эрэсиимҥэ холбуубут, мас арыытын кутабыт. Грудинканы 2-3 мүн.ыһаарылыыбыт. Луугу, моркуобу эбэбит. Онтон куурусса этин саһарыар диэри ыһаарылыыбыт.

Салгыы иһиппитигэр уубутун кутабыт, туустуубут. “Варка” эбэтэр “Суп” диэн эрэсиими талабыт. 10 мүн.буһарабыт, төбүрэҕин утары баһан иһэбит.

Ирииһи хаста да сууйан баран мииҥҥэ кутабыт. Тэллэйи, хортуоппуйу эбэбит. 35 мүн. турар.

Онтон чөчөгөйү кутабыт. Лавр лииһин, сыттаах биэрэһи, ууллаҕас сыыры кыралаан баран мииҥҥэ эбэбит. Сыыра ууллуор диэри буһарабыт. Онтон мультиварканы араарабыт. Укуруобунан, сельдерейинэн киэргэтиэххитин сөп.

Мультиваркаҕа буспут үрүҥ балык

- 500 г балык (ханнык баҕарар үрүҥ балык)

- 2 эриэппэ луук

- 1 моркуоп

- 2-3 ук сельдерей

- 300 г хортуоппуй

- 500 г сүөгэй

- 100 г кытаанах сыыр

- 2 лавр лииһэ

- 1 ч.нь. лимон сога

- сибиэһэй укуруоп

- туус, мэлиллибит хара биэрэс. 

Хортуоппуйу хахтаан, 0, 5 см халыҥ гына төгүрүктүү кырбыыбыт. Моркуобу ыраастаан, 3 мм гына халыҥ гына төгүрүктүү быһабыт. Луугу ыраастыыбыт, сельдерейи кытта синньигэс гына төгүрүктүү кырбыыбыт. Балыкпытын туустуубут, биэрэс табыгынатабыт.

Мультиварка иһитин ынах арыытынан сыбыыбыт. Түгэҕэр хортуоппуйу тэлгиибит. Онтон иккис араҥа –  луук. Салгыы моркуобу уонна сельдерейи, лавр лииһин, укуруобу уурабыт. Төрдүс араҥа – балык. Хас биирдии араҥаны туустуубут, биэрэс табыгынатабыт.    

Сыыры бөдөҥ түөркэҕэ анньабыт, сүөгэйи кытта булкуйабыт. Сүөгэйгит хойуу буоллаҕына, уу эбэтэр балык миинэ эбэ түһүөххүтүн сөп. Сүөгэйдээх сыыры балык үрдүгэр кутабыт. “Тушение” эбэтэр “Выпечка” диэн эрэсиимҥэ 40-50 мүн.буһарабыт.

Оҕуруот астаах ынах быара

Сороҕор быар куура буһар. Оттон маннык ньыманан астаатахха, олус минньигэс буолар. Ресторан бүлүүдэтин курдук сонун буолар.

-350 г ынах быара

- 1 бөдөҥ моркуоп

- 1 эриэппэ луук

- ½ минньигэс биэрэс

- 5-6 черри помидор

- 30 мл мас арыыта

- 2ч.нь.саахар

- тимьян сэбирдэҕэ

- туус, мэлиллибит хара биэрэс.

Биэрэспитин ыраастыыбыт, уһун синньигэс гына быһабыт. Луукпутун кырбыыбыт. Моркуобу соломолуу бысталыыбыт. Помидору төгүрүктүү кырбыыбыт.

Ынах быарын 0,5 см гына кырбыыбыт. Бу иннинэ уулаах үүккэ 12 ч сытыара түһүөххэ сөп.

Мультиварка иһитигэр мас арыыта кутабыт. Моркуоп, луук араҥатын уурабыт. Онно биир кымаах саахар табыгынатабыт, туус, биэрэс кутабыт. Быар аҥаарын араҥанан уурабыт, туустуубут, биэрэстиибит. Онтон минньигэс биэрэһи тэлгэтэбит, эмиэ туустуубут, биэрэстиибит, тимьян сэбирдэҕин уурабыт. Салгыы ордубут быарбытын, үрдүгэр помидор араҥатын эбэбит. Туустуубут, биэрэстиибит.

Мультиваркабытын “Тушение” эрэсиимҥэ холбуубут. Остуолга уурарга күөх луугунан киэргэтиэххэ сөп.   

Күөх горуохтаах бройлер куурусса

-1 кыра бройлер куурусса (1-1, 2 кг)

- 500 г күөх горуох

- 200 г ынах арыыта

- 500 мл 22-33 %-наах чөчөгөй

- 300 мл эт миинэ (бульон)

- 2 ч.нь. саахар

- 1-2 лавр лииһэ

- тимьян, укуруоп, петрушка сэбирдэҕэ

- туус, мэлиллибит хара биэрэс.

Мультиварка иһитигэр эт миинин (бульону) кутабыт. “Суп” эбэтэр “Быстрая варка” диэн эрэсиимҥэ оргутабыт. Лавр лииһин эбэбит. Кууруссабытын бэйэтинэн угабыт. 25-30 мүн. буһарабыт. Горуохпутун, онтон чөчөгөйү кутабыт. Күөх тумабытын эбэбит. Салгыы ынах арыытын, саахары, тууһу уонна биэрэһи кутабыт. Буһуор диэри туруорабыт.

Тэриэлкэҕэ бастаан горуоҕу, онтон кууруссаны уурабыт.    

Мильшпейз

Бу аһы Литваҕа сөбүлээн астыыллар. Пудинг эбэтэр запеканка курдук. Итиилии эбэтэр сойбутун кэннэ да сиэххэ сөп. Үрдүгэр саахарнай пудра эбэтэр түөркэлэммит сакалаат куттахха, өссө минньигэс буолар. Барыанньаны кытта сиир өссө үчүгэй.

-500 г маҥан килиэп

- 400 мл 22-33 %-наах чөчөгөй

- 6 сымыыт

- 50 г саахар

- 1 пакетик ванильнай саахар

- 100 г изюм

- 50 г миндаль хлопьята

- 100 г курага

- 50 г ынах арыыта

- 30 г панировочнай суухара.

Килиэби бытарытабыт. Сымнаҕас буоллаҕына, хаҕын ылымаҥ. Үрдүгэр чөчөгөйү кутабыт. Сымнаатын диэн, кыратык туруора түһэбит.

Сымыыт үрүҥүн уоһаҕыттан араарабыт. Үрүҥүн саахар аҥаарын кытта күүгэннириэр диэри ытыйабыт.

Илитиллибит килиэпкэ ордубут саахар аҥаарын эбэбит, онно ванильнай саахары уонна изюму кутабыт. Кураганы кыра гына кырбаан эбэбит. Онтон – миндаль хлопьяларын. Салгыы сымыыт уоһаҕын ытыйан баран кутабыт, булкуйабыт.

Дьэ, онтон сымыыт үрүҥүн, күүгэнэ сүппэтин курдук, аргыый кутабыт.

Мультиварка иһитин ынах арыытынан сыбыыбыт. Панировочнай суухараны табыгынатабыт. Бэлэм маассабытын кутабыт. “Выпечка” эрэсиимҥэ буһарабыт.

Судургу бөрүөк

Бу олус минньигэс уонна судургутук астанар бөрүөк. Ханнык баҕарар отону кутуохха сөп (сибиэһэй, тоҥоруллубут, кэнсиэрбэлэммит). Эбэтэр фрукта эмиэ үчүгэй.

- 3 сымыыт

- 150 г саахар

- 150 г ынах арыыта эбэтэр маргарин

 - 1, 5 ыстакаан бурдук

- 1 ост.ньуоска разрыхлитель

- 1 г ванилин

- 1, 5 ыстакаан отон эбэтэр фрукта

Сымыыты уонна саахары булкуйабыт, миксеринэн үчүгэйдик ытыйабыт. Ол кэмҥэ ынах арыытын эбэтэр маргарины мультиваркаҕа уулларабыт (иһитин арыынан соппот курдук). Саахардаах сымыыкка уулларыллыбыт арыыны (маргарины), ванилины кутабыт. Ол кэннэ бурдугу разрыхлители кытта булкуйан баран эбэбит. Венчигинэн булкуйабыт. Бэлэм тиэстэни мультиварка иһитигэр кутабыт. Үрдүгэр начыыҥкабытын (отону эбэтэр фруктаны) эбэбит.

Бөрүөкпүтүн “Выпечка” эрэсиимҥэ 1 чаас буһарабыт. Онтон хайдах баҕарар киэргэтиэххэ сөп.

Сонуннар

Ордук ааҕаллар

Дьокуускай маастар-былаанын Илиҥҥи экономическай форумҥа билиһиннэриэхтэрэ
Сонуннар | 19.11.2021 | 11:30
Дьокуускай маастар-былаанын Илиҥҥи экономическай форумҥа билиһиннэриэхтэрэ
Саха сиригэр өрөспүүбүлүкэ киин куоратын маастар-былаанын оҥорорго Бүтүн Арассыыйатааҕы куонкуруска бэлэмнэнии саҕаланна. Итиннэ анаммыт пресс-конференцияҕа Ил Дархан Айсен Николаев иһитиннэрбитинэн, Дьокуускай маастар-былаанын аныгыскы Илиҥҥи экономическай форумҥа билиһиннэриэхтэрэ. Куонкуруһу өрөспүүбүлүкэ бырабыыталыстыбатын кытта Дьокуускай территориятын сайынннарыыга сөбүлэҥ чэрчитинэн Үүнэр көлүөнэ Целевой пуондата уонна  «ДОМ.РФ» сайдыы интситута үбүлүөхтээхтэр.  Балаҕан ыйыгар ыытыллыбыт бүтэһик Илиҥҥи...
Хоһоон ааҕыытыгар аһаҕас күрэс
Сонуннар | 24.11.2021 | 16:00
Хоһоон ааҕыытыгар аһаҕас күрэс
Саха АССР төрүттэммитэ 100 сылын кѳрсѳ, Ньурба оройуонун Малдьаҕар нэhилиэгин В.И. Максимов аатынан орто оскуолата 100 сылынан, Малдьаҕар  нэhилиэгин бастакы учуутала,  Дьокуускайдааҕы учительскай семинария бастакы выпускнига (1914-1917с.с)., Ньурба улууһун исполнительнай комитетын бэрэссэдээтэлэ, бэрэссэдээтэл солбуйааччыта (1924-1927 с.с)., Бүлүү уеһын общественнай куттала суох буолуутун комитетын чилиэнэ, продовольственнай уонна сир управаларын бэрэссэдээтэлэ (1923...
Ефим СТЕПАНОВ:  «Өндөрөй миэхэ эрэнэр, итэҕэйэр»
Дьон | 18.11.2021 | 13:16
Ефим СТЕПАНОВ: «Өндөрөй миэхэ эрэнэр, итэҕэйэр»
Кинилэр доҕордоспуттара үйэ аҥаарыттан орто. Айар үлэлэрин тыылаах эрдиигэ тэҥниэххэ сөп. Олохторун суола, айаннарын аартыга ол курдук быстыспат ситимнээх.    Саха АССР үтүөлээх артыыһа, ССРС Судаарыстыбаннай бириэмийэтин лауреата, Арассыыйа Судаарыстыбаннай бириэмийэтин лауреата, РСФСР үтүөлээх артыыһа, СӨ норуодунай артыыһа, П. А. Ойуунускай аатынан Судаарыстыбаннай бириэмийэ лауреата Ефим СТЕПАНОВ – “Киин куорат” хаһыат...
“Тобуруокап күһүнэ – Иэйии биһигэ"
Сонуннар | 22.11.2021 | 14:30
“Тобуруокап күһүнэ – Иэйии биһигэ"
“Иэйии” кэммиэрсийэтэ суох литературнай түмсүү көҕүлээһининэн “Тобуруокап күһүнэ – Иэйии биһигэ" кинигэ   Хаҥалас улууһун киин библиотекатыгар сүрэхтэннэ.    Тэрээһини Хаҥалас улууһун "Өлүөнэ долгуннара" литературнай түмсүү салайааччыта Людмила Колесова уонна Хаҥалас улууһун кииннэммит библиотекатын сүрүн испэсэлииһэ Валентина Колесова иилээн-саҕалаан ыыттылар.  Куйаар нөҥүө Үөһээ Бүлүүттэн «Нам» МТ нэһилиэгин баһылыга Николай Иннокентьевич Кардашевскай, Петр...