22.01.2022 | 11:00

Минньигэстик аһааҥ

Минньигэстик аһааҥ
Ааптар: Киин Куорат

Бүгүн ааҕааччыларбар астыырга судургу салааттар ырысыаптарын уонна 100 киһилээх үбүлүөй, сыбаайба менютун бэчээттиэхпит.

«Haтaaha» салаат

Куурусса 1 буутун (окорочка), биир дьаабылыканы (күөҕэ ордук), обургу соҕус эриэппэ луугу, 1 устуука болгарскай биэрэһи уһун синньигэс гына быһабыт. Майонезтыыбыт, сөбүн көрөн туустаан биэриэххэ сөп. Элбэҕи оҥорорго биэрэс араас өҥүн туттуохха сөп, оччоҕо көстүүтэ дьэрэкээн буолар.

 

«Нежность» салаат

Туох наадата:

5 сымыыт;

5 орто хортуоппуй;

5 моркуоп,

2 обургу сүбүөкүлэ;

Майонез

 

Барыларын тус-туһунан ууга буһарабыт. Буспутун кэннэ теркаҕа аалабыт. 1 орто луугу бытархай гына кырбыыбыт. Салаат иһитигэр бастаан хортуоппуйу, онтон луугу, сымыыт үрүҥүн, моркуобу, сүбүөкүлэни, сымыыт уоһаҕын биир-биир уурабыт. Дьапталҕалар икки ардыларын сүөгэйинэн эбэтэр майонеһынан биһэбит. Баар буоллаҕына, үрдүгэр күөх үүнээйини табыгынатабыт.

«Летиция» салаат

Туох наадата:

200 г хопчуонай эт;

150 г маринованнай шампиньон эбэтэр опята тэллэй;

2 сибиэһэй оҕурсу;

0,5 г горох;

2-3 тутум күөх луук;

Туус, биэрэс;

200 г майонез.

 

Кубиктыы кырбаан баран барытын холбоон майонезтыыбыт.

Треска быардаах салаат

Туох наадата:

1 бааҥка треска быарын кэнсиэрбэтэ;

2 хортуоппуй, 1 моркуоп;

3-4 сымыыт;

2 эриэппэ луук;

10-12 устуука виноград, туус, биэрэс, майонез.

Моркуобу, сымыыты уонна хортуоппуйу ууга буһарабыт. Маннык араҥанан уурабыт: теркаламмыт хортуоппуй + треска быара (биилкэнэн илдьиритэбит) + луук + моркуоп теркаланар + виноград + сымыыт үрүҥэ + сымыыт уоһаҕа.

Күөх үүнээйинэн киэргэтэн, хас биирдии араҥатын майонезтаан холодильникка 3 чаас туруорабыт.

Дьиҥнээх «Оливье» салаат

Бу салааты дьон арааһынайдаан оҥорор. Урут “Мясной” салаат диэн ааттыыллара, оттон билигин “Оливье” диир буолбуттар. Дьиҥнээх салааппытын француз повара Оливье бу курдук астыыр эбит: куурусса этэ, маринованнай оҕурсу (тууһаммыт буолуо суохтаах), минньигэс дьаабылыка (кыратык аһыытыҥы буолуон син). Оҕурсуну уонна дьабылыканы хахтыыбыт. Оливье салаакка манныгы хайаан да тутуһуҥ: 6 хортуоппуйга 3 моркуоп, 2 луук. 1-2 маринованнай оҕурсу, 1 дьаабылыка, 200 г буспут куурусса (көтөр) этэ, кэнсиэрбэлэммит биир ыстакаан күөх горох, 3 сымыыт, бааҥка аҥаара майонез, бэйэ сөбүлүүрүнэн туус уонна биэрэс. Маны барытын кубиктыы кырбаан баран холбоон майонезтаан кэбиһэбит.

 

Тэллэйтэн «саҕынньах»

Туох наадата:

100-150 г хаппыт тэллэй;

3 устуука мундирдыы буспут хортуоппуй;

1 устуука эриэппэ луук;

1 устуука тууһаммыт оҕурсу, 100 г майонез.

Тэллэйи 20-30 мүнүүтэ туустаах ууга буһарабыт уонна мясорубкалыыбыт эбэтэр блендердиэххэ сөп.  Луугу, оҕурсуну бытархай гына кырбыыбыт. Бастакы араҥаҕа хортуоппуй, онтон тэллэй, үрдүн сүөгэйинэн сыбыыбыт, иккис араҥаҕа луук, оҕурсу, хортуоппуй, эмиэ сүөгэйинэн сыбыыбыт, тэллэй, үрдүнэн майонезтыыбыт. Укробунан, сымыытынан киэргэтэбит.

Гранаттаах салаат

Туох наадата:

500 г куурусса куҥ этэ;

I бааҥка кэнсиэрбэлэммит ананас;

1 улахан гранат;

Бэйэ сөбүлүүрүнэн майонез.

 

Кууруссабыт этин туустаах ууга буһаран баран салаакка сөптөөх гына кырбыыбыт, гранаты ыраастыыбыт, үс гыммыт биирин киэргэтиигэ хаалларабыт, уоннааҕытын кууруссалаах ананаһы кытары булкуйабыт уонна майонезтыыбыт.

ЭДЬИИЙ КАТЯТТАН БЫРААҺЫННЬЫК МЕНЮТА

ЭТТЭЭХ БЭРЭСКИ

Фарш (ынах этэ) – 4 кг, рис – 1,3 кг, бурдук – 4 кг, доруоһа – 2 пакет, тиэстэҕэ анаан мас арыыта – 0,50 г, туус – 2 ост. ньуоска, бытархай саахар – 2 ост. ньуоска, бэрэски буһарарга мас арыыта – 3 бытыылка (750 г).

 

БЕЛЯШ

Фарш (ынах этэ) – 3 кг, сибиэһэй хаппыыста – 1,5 кг, эриэппэ луук – 0,7 г, бурдук – 4 кг, доруоһа – 2 пакет, бытархай саахар – 4 ост. нь., мас арыыта – 1 ыстакаан, сыбыырга анаан сымыыт – 2 устуука.

 

САХА ЛЭППИЭСКЭТЭ

Үүт – 2 кг (аһыйбыт да буолуон сөп), уу – 1 кг, суода – 0,10 г, үрүҥ бурдук – 2,5 кг, хара бурдук – 1,3 кг.

 

АЛААДЬЫ

Үүт – 300 г, сымыыт – 2 устуука, уу – 110 г, бурдук – 510 г, мас арыыта – 180 г, туус.

 

БААХЫЛА

Үүт – 300 г, уу – 100 г, бурдук – 425 г, сымыыт – 1 устуука, саахар – 50 г, мас арыыта, туус.

 

СОРКУОЙ

Эт (ханнык баҕарар) - 7 кг, хортуоппуй – 7 кг, луук, араас туус-тума.

 

ТЕФТЕЛЬ

Фарш – 4 кг, рис – 800 г, сымыыт – 4 уст., луук – 0,5 кг.

 

ДУХУОПКАҔА БУҺАРЫЛЛАР ОКОРОЧКА

Окорочка – 10 кг, (быһа холоон 18 атах), 3-4 гына аҥаардыыгын, туус-тума, окорочкаҕа аналлаах тумалык.

 

СҮӨГЭЙ САЛАМААТА

Сүөгэй – 3,5-4 кг, бурдук – 2,5 ыст., туус – 2 ост. ньуоска.

 

АРЫЫ САЛАМААТА

Ынах арыыта – 3-3,5 кг, бурдук – 2-2,5 ыст., уу – 3 кг.

 

ОЛИВЬЕ САЛААТ

Ынах этэ – 7 кг, хортуоппуй – 5 кг, горох – 6 бааҥка, кэнсиэрбэлэммит оҕурсу – 6 бааҥка, сымыыт – 90 устуука, эриэппэ луук – 500 г, майонез – 2 кг.

 

ПЕСТРАЙ САЛААТ

Убаһа этэ – 5 кг, помидор – 4-5 кг, сибиэһэй оҕурсу – 3 кг, эриэппэ луук – 500 г, сыыр – 500 г, майонез – 2 кг.

 

«СЕЛЕДКА ПОД ШУБОЙ»

Селедка – 14 устуука, хортуоппуй – 3 кг, сүбүөкүлэ – 2 кг, сымыыт – 60 устуука, эриэппэ луук – 1 кг.

 

ИНДИГИРКА

Чыыр, уомул – 13 устуука, эриэппэ луук – 1 кг, хара биэрэс, кыһыл искэх – 3 бааҥка, мас арыыта.

 

«ОБЖОРКА»

Ынах этэ – 3 кг, моркуоп – 5 кг, кэнсиэрбэлэммит оҕурсу – 3 бааҥка, эриэппэ луук – 1 кг, мас арыыта.

 

«НОВИЗНА»

Пекинскэй хаппыыста – 5 упаковка, горох – 5 бааҥка, сымыыт – 10 устуука, ветчина – 750 г, сыыр – 100 г, эриэппэ луук – 1 кг, помидор – 2 кг, сибиэһэй оҕурсу – 1,5 кг, майонез – 250 г, хартыыһа – 5 ч. ньуоска.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Похуоттуу бардыбыт!
Сынньалаңңа | 14.05.2022 | 15:33
Похуоттуу бардыбыт!
Бу күннэргэ дьиэ кэргэнинэн, кылааһынан похуоттар саҕаланыахтара. Үчүгэй сынньалаҥы көрдөөх бырагыраама киэргэтэр. Сөбүлэһэҕит? Оччоҕуна “Киин куорат” бэлэмнээбит оонньууларын сэргээҥ, сэҥээриҥ!    Хамсаныылаах оонньуулар «Светофор» Хонууга эбэтэр балаһааккаҕа оонньонор. Онно икки уһун сурааһыны тардаҕыт. Бастакы сурааһын кэннигэр кыттааччылар оонньуу саҕаланыытыгар тураллар. Оттон иккис сурааһыҥҥа диэри ыытааччыттан (эккирэтэр киһи) куотан тиийиэхтээхтэр. Бастаан ыытааччыны...