15.08.2023 | 15:14

Мархаҕа үлэ харыстабылыгар аналлаах пааматынньык таһын хомуйдулар

Мархаҕа үлэ харыстабылыгар аналлаах пааматынньык таһын хомуйдулар
Ааптар: Киин Куорат
Бөлөххө киир

Олохтоох дьаһалта Үлэ харыстабылыгар салаатын исписэлиистэрин көҕүлээһининэн Мархаҕа Дьокуускай куоракка соҕотох үлэ харыстабылыгар аналлаах пааматынньык турар сиригэр субуотунньук буолан ааста. 
1917 сыл кулун тутар 12 (25) күнүгэр манна Емельян Ярославскай үлэһиттэр иннилэригэр үлэ чааһа 8 чаастан уһуо суохтааҕын уонна Үлэ харыстабылын бюрота тэриллибитин туһунан тыл эппитэ биллэр.
Ол историческай түгэни кэрэһилиир пааматынньык турар сирин хомуйар, өрө тардар туһунан санааны былырыын ыам ыйыгар Үлэ харыстабылын салаатын исписэлииһэ Андрей Тимофеев көтөхпүтэ уонна сыл аайы кулун тутар 12 күнүгэр Дьокуускай куоракка Үлэ күнүн бэлиэтииргэ этии киллэрбитэ, диэн Олохтоох дьаһалта пресс-сулууспата иһитиннэрэр. 
Онон быйыл саас Үлэ харыстабылын салаата Үлэ сылын тэрээһиннэрин былааныгар бу пааматынньыгы көрүүнү-истиини киллэрбитэ. Буолан ааспыт субуотунньук кыттыылаахтара пааматынньык тулатынааҕы оту охсон, обелисканы, көрүөтүн кырааскалаан, дьоһун үлэни ыыттылар. Оттон субуотунньукка Үлэ харыстабылын салаатын исписэлиистэрэ А.Н. Тимофеевы, А.С. Иринцеевы сэргэ баһылыгы солбуйааччы Анна Приходько салайааччылаах Марха дьаһалтатын үлэһиттэрэ көхтөөх кыттыыны ыллылар.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.