Мархаҕа Аҕа дойду сэриитин бэтэрээнин уонна анал байыаннай дьайыы кыттыылаахтарын дьиэлэригэр гаас киирэр

«Биир ньыгыл Арассыыйа» партия социальнай гаастааһын туһунан норуодунай бырагырааматын олоххо киллэрии чэрчитинэн Мархаҕа Аҕа дойду сэриитин бэтэрээнин уонна анал байыаннай дьайыы кыттыылаахтарын дьиэлэригэр гаас ситимэ тардыллыаҕа. Ол туһунан «Сахатранснефтегаз» АУо гендириэктэрэ Алексей Колодезников бэйэтин телеграм-ханаалыгар иһитиннэрэр.
«Үлэ быйыл ыытыллыаҕа. Маны сэргэ Мархаҕа Кислицино, Полевая, Томтор, Мелиораторов уонна Новая уулуссаларга гаас диписиитин суох гынар үлэ хаамыытын билистим. Инники өттүгэр бу аадырыстарынан 200-чэкэ аккаас кэлэрэ. Саҥа ситим тардылыннаҕына, номнуо бу күһүн 275 дьиэҕэ күөх төлөн киирэр кыахтаныаҕа», - диир Алексей Колодезников.
«Сахатранснефтегаз» АУо генеральнай дириэктэрэ маны сэргэ чуолаан бу учаастакка суол бүрүөһүнэн алдьаппыт сыалтан хаһыы үлэтэ иҥнэри хаһыы ньыматынан ыытыллыбытын бэлиэтиир. 
Ааптар: t.me/kolodeznikov_alexey