Мааска эрэсиимин тутуһуу кытаатар
Куорат баһылыга Сардана Авксентьева мааска эрэсиимин уонна маҕаһыыннарга, оптуобустарга, дьон мустар сирдэригэр дистанцияны кытаанахтык тутуһууну күүһүрдэргэ сорудахтаата. Бу туһунан олохтоох дьаһалта пресс-сулууспата иһитиннэрэр.
Хонтуруолу предпринимательство, транспорт салаатыгар уонна куорат административнай хамыыһыйатыгар сүктэрдэ.
“Кэнники күннэргэ Дьокуускайбытыгар дьон ыалдьыыта күннэтэ эбиллэ турар. Ааспыт нэдиэлэлэргэ биир-икки киһи эбиллэр эбит буоллаҕына, билигин алталыы-сэттэлии киһи күннэтэ ыалдьыбыта биллэр. Онон мааска эрэсиимин тутуһарга өйдөтөр үлэ уонна хонтуруоллуур тэрээһин күүстээхтик барыахтаах”, - диэтэ Авксентьева.
Маныаха куорат дьаһалтата араас тэрилтэлэри, атыы-эргиэн кииннэрин, парикмахерскайдары бэрэбиэркэлээн, кэһиини таһаарбыт тэрилтэлэри сапта.
Бу нэдиэлэҕэ атыы-эргиэн кииннэригэр, маҕаһыыннарга мааска эрэсиимин тутуһалларыгар рейдэ ыытыахтара.
Сонуннар
Ордук ааҕаллар
