Маҕаҥҥа хортуоппуй элитнэй суордун ыһаллар

Дьокуускай куорат Маҕан бөһүөлэгин Екатерина Котрус салайааччылаах бааһынай хаһаайыстыбатын өрөспүүбүлүкэҕэ билбэт киһи аҕыйах буолуо. 
Котрус хаһаайыстыбата номнуо сүүрбэттэн тахса сыл оҕуруот аһын үүннэриинэн утумнаахтык дьарыктанар. Баай уопуттаах бөдөҥ хаһаайыстыба ааспыт 2022 сылтан бастыҥ суортаах хортуоппуй сиэмэтинэн дьарыктанар өрөспүүбүлүкэҕэ соҕотох сертифицированнай хаһаайыстыбанан биллэр. Хаһаайыстыба сиэмэ хортуоппуй базатын у үүннэрэр базаны  буоларга былырыын куорат бүддьүөтүттэн 5 мөлүйүөн солкуобай кээмэйдээх үп көрүллүбүт. Онон быйылгы ыһыы хампаанньатыгар 161,8 туонна бастакы көлүөнэ сиэмэ хортуоппуйу атыылаабыттар.
Хаһаайыстыба баһылыга Екатерина Котрус бэлиэтииринэн, быйыл, 2023 сылга, 33 туонна «Ред скарлет» диэн элитнэй суорт хортуоппуйу атыыласпыттар, онон өрөспүүбүлүкэ хаһаайыстыбаларын 150-200 туонна үрдүк хаачыстыбалаах сиэмэ хортуоппуйунан хааччыйар кыахха тахсыбыттар.