05.05.2023 | 12:16

Ленин пр., 25 баһаарын биричиинэтэ биллибит

Ленин пр., 25 баһаарын биричиинэтэ биллибит
Ааптар: Киин Куорат
Бөлөххө киир

Бэҕэһээ Ленин пр., 25 дьиэтигэр тахсыбыт баһаар төрүөтүнэн «Илин эҥэр» маҕаһыын сарайыгар уоту туһанан ыытыллыбыт үлэҕэ сэрэхтээх буолуу быраабылалара тутуһуллубатаҕа буолбут.
Ол курдук, баһаар саҕаламмыт сириттэн горелкалаах гаас баллоннар, битумнаах, атын даҕаны умайар бэссэстибэлээх бааҥкалар көстүбүттэр. Ол туһунан ЫБММ ГУ Хонтуруолга уонна сэрэтэр үлэҕэ управлениетын начаалынньыга Степан Сидоров Ыксаллаах быһыыга-майгыга уонна баһаартан сэрэхтээх буолууну хааччыйар хамыыһыйа мунньаҕар иһитиннэрдэ. Мунньаҕы куорат баһылыгын солбуйааччы Егор Кардашевскай салайан ыытта.
Улахан хоромньуну таһаарбыт уот туруутугар уорбаланааччыны тута быһааран, кэккэ ыйытыылары биэрбиттэр, туоһулары уонна көрбүт дьону кытта кэпсэппиттэр.
ЫБММ ГУ Хонтуруолга уонна сэрэтэр үлэҕэ управлениетын начаалынньыга Степан Сидоров мантан сиэттэрэн олорор дьиэлэргэ үлэлиир эргиэн эбийиэктэрин мониторинныырга уонна хонтуруоллуурга этии киллэрдэ. Онон Урбааҥҥа уонна туризмы сайыннарыыга департамент ити үлэнэн дьарыктанар буолла.
Баһаар содулугар 19 кыбартыыра эмсэҕэлээбит, 15 кыбартыыраҕа дьиэлээхтэр суохтарынан кыайан киирбэтэхтэр. Быстах кэмҥэ олорор дьиэҕэ итинтэн 1 ыал наадыйарын биллэрбит. Бу күннэргэ СӨ Хапытаалынай өрөмүөн пуондатыгар баһаартан эмсэҕэлээбит элбэх кыбартыыралаах дьиэҕэ өрөмүөн үлэтин ыытар туһунан сурук бэлэмнэниллэр, диэн Олохтоох дьаһалта пресс-сулууспата иһитиннэрэр.

Сонуннар

Ордук ааҕаллар

Полина Победа:  «Дьоллоох буолуҥ олоххутугар, түүлгүтүгэр»
Дьон | 29.02.2024 | 10:00
Полина Победа: «Дьоллоох буолуҥ олоххутугар, түүлгүтүгэр»
Бүгүҥҥү ыалдьыппын улаханнык билиһиннэрэр да наадата суох буолуо. Кинини, өрөспүүбүлүкэ сахалыы тыллаах олохтоохторо ПОЛИНА ПОБЕДА диэн ааттаах хоһоонньуту, социальнай ситим устун билбиттэрэ ыраатта. Полина Пантелеймоновна Находкина хомоҕой тыллаах хоһоонноро элбэх киһи кутун туталлар, махталын ылаллар. Кини ону таһынан имигэс үҥкүүһүт, шпагат түһэр, араас эрчиллиилэри холкутук оҥорор, төбөтүн оройугар турар –...
Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!