29.05.2020 | 18:24

ҮЛЭ КҮӨСТҮҮ ОРГУЙАР

ҮЛЭ КҮӨСТҮҮ ОРГУЙАР
Ааптар: Киин Куорат
Бөлөххө киир

Дьокуускай куоракка күннэтэ  уулуссалары уонна тротуардары киртэн, быылтан, кумахтан ыраастааһын үлэтэ ыытыллар. Ону тэҥэ алдьаммыт дьаамалары өрөмүөннүүллэр. Толорооччу – «Якутдорстрой» АУо тэрилтэ.

Ыам ыйын 25 күнүгэр грунтовой үлэлэри КО-806 массыынанан маннык аадырыстарга ыыттылар: Бабушкин, Челюскин, Кржижановскай, Очиченко, Рихард Зорге, Үс бэс, Яков Потапов, Винокуров, Ильменскэй, Курнатовскай, Тэки Одулок, Иван Кульбертинов, Крупскай, Стерх оройуоҥҥа Иван Крафт, маны таһынан Советскай, Олег Кошевой уулуссаларыгар уонна Марха оройуонугар.

Ыам ыйын 26 күнүгэр суол үлэһиттэрэ алдьаммыт  суоллары грунтовкалаатылар, тупсаҕай, үйэлээх буоларыгар үлэлээтилэр. Ол курдук: Бабушкин, Челюскин, Кржижановскай, Очиченко, Рихард Зорге, Үс бэс, Яков Потапов, Винокуров, Ильменскэй, Орджоникидзе, Ярославскай, Дзержинскэй, Петр Алексеев, Лермонтов, Федор Попов, Ойуунускай, Поярков уонна Богатырев уулуссаларын хаптылар.

Суоллары Дз-98 грейдеринэн  өрөмүөннээтилэр. Ол курдук: Мерзлотнай, Хатыҥ-Үрэх, сынньанар шоссе уонна Сэргэлээх суола. Дзержинскэй уулуссаҕа суол хайа барбытын КАМАЗ уонна ЭД-135 анал тиэхиньикэлэринэн өрөмүөннээтилэр.

УУ ХАЧАЙДААҺЫНА

Ууну хачайдааһын маннык аадырыстарга  ыытылынна: Ойуунускай уулуссатын 11-рэ, Каландарашвили 39, Чехов 28-30, Лонгинов-Бекетов, Петровскай 34, Билибин 6/1, Богдан Чижик-Кальвица, Сэбиэскэй Аармыйа 50 сыла, Дзержинскэй уулуссалар. 3 цистернэлээх «Беларусь»  тыраахтар уонна 3 мотопомпалары туһаннылар.

СУОЛУ ТУПСАРЫЫ

Санитарнай ыраастааһыҥҥа 4 КАМАЗ массыына үлэлээтэ. Оптуобус тохтобулугар 2 КАМАЗ, суол бордюрун көннөрүүгэ 1 КАМАЗ, 5 бырысыаптаах «Скандия» уонна суолу сууйар 4 КО-806 массыыналар үлэлээтилэр.

БҮЛҮҮЛҮҮР СУОЛ

Ыам ыйын 25 күнүгэр «Якутдорстрой» тэрилтэ суол кыра өрөмүөнүн  Бүлүүлүүр суол 3 килэмиэтиригэр ыытта. Манна суолу аспаалынан  уонна бетонунан бүөлээн, кыра дьаамалары өрөмүөннээтилэр.

КУТТАЛА СУОХ УОННА ХААЧЫСТЫБАЛААХ

Санатан эттэххэ, Дьокуускай куорат дьаһалтата куорат олохтоохторун бу дьыл ыам ыйын 21 күнүттэн бэс ыйын 5 күнүгэр диэри «Куттала суох уонна хаачыстыбалаах айан суоллара” национальнай бырайыагы олоххо киллэрии чэрчитинэн, 2020 сыллааҕы эбийиэктэргэ уопсастыбаннай дьүүллэһиигэ кыттаргытыгар ыҥырар.

Дьокуускай куорат олохтоохторо бэйэлэрин уокуруктарыгар өрөмүөн үлэтэ хаһан, хайдах ыытылларын Zoom нөҥүө видеоконференцияҕа холбонон билсиэхтэрин сөп.  Уокуруктар нэһилиэнньэни кытыннарар графиктара барыта куорат дьаһалтатын сайтыгар бастакы сирэйгэ ыйанан турар.

Бу сылга бырагыраама чэрчитинэн 28 эбийиэги өрөмүөннүүллэрэ күүтүллэр, суол ситимэ 23, 5 км усталаах буолуоҕа.

Биэс сыл иһигэр национальнай бырайыагынан 204,5 км усталаах суолу оҥоруохтара, онтон 85  %- на – киин куоракка.

Сонуннар

Ордук ааҕаллар

Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.
Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...