05.03.2021 | 13:53

Өлүөхүмэлэр чаҕылхай кыайыылара

Өлүөхүмэлэр чаҕылхай кыайыылара
Ааптар: Киин Куорат
Бөлөххө киир

Өрөспүүбүлүкэ волейболга турнирын маҥнайгы лигатыгар мэтээллэри Саха сирин алта бастыҥ хамаандата былдьаста: Дьокуускай, Ленскэй оройуона, Амма, Чурапчы, Өлүөхүмэ  уонна Нам  улуустара.

Хамаандалар эргиир систиэмэтинэн  биэстии тууру оонньоотулар. Өлүөхүмэ волейболистара Аммалары 3:1 Ленскэйдэри 3:1 хотон соһуттулар. Намнары эмиэ кыайдылар – 3:1 (25:22, 22:25, 26:24, 26:24).

Төрдүс  тууру өлүөхүмэлэр турнир таблицатын лидердаринэн көрүстүлэр. Кинилэр ыгыыларын киин куорат хамаандата тулуйбата, улахан утарсыыны оҥорбото. Ол түмүгэр – 0:3. Үс партияҕа утарсааччыларыттан биир төбөнөн үрдээн таҕыстылар – 25:15, 25:18, 25:17.

Онон, чемпионат бүтэрэ туур хаалбытын кэннэ, Өлүөхүмэ хамаандата кыһыл көмүһү холкутук ылан, Саха сирин историятыгар аан бастакытын бастаата!

Бүтэһик, тугу да быһаарбат  туурга, Чурапчы улууһун хамаандатын классическай ахсаанынан 3:0 хотто.

Өлүөхүмэлэр чемпионат бары оонньууларыгар чаҕылхай, туйгун түмүгү көрдөрдүлэр. Турнир дьиҥнээх дьоруойунан хамаанда хаппытаана Николай Павлов буолуон буолла. Улууһун хамаандатын чөмпүйүөн оҥорбут киһинэн Ньургун Сивцев ааттанна. Кини Өлүөхүмэ улууһун хамаандатыгар аан бастакынан оонньоото. Эбэн эттэххэ, Ньургун өрөспүүбүлүкэ чемпионатыгар бу сэттис кыһыл көмүс мэтээлэ. 

Үрүҥ көмүс мэтээллэри Нам, боруонсаны Дьокуускай хамаандалара ыллылар.

Чемпионат түмүгүнэн номинацияларга бастыҥнарынан ааттаннылар:

Ньургун Сивцев (Өлүөхүмэ)

Ньургун Иванов (Нам)

Семен Слепцов (Дьокуускай)

Вадим Оконешников (Чурапчы)

Семен Васильев (Нам)

Николай Павлов (Өлүөхүмэ)

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.