23.06.2022 | 16:00

Кырдьаҕастан алгыһын

Кырдьаҕастан алгыһын
Ааптар: Лия АЛЕКСЕЕВА

Бэс ыйын 17 күнүгэр баай историялаах Тулагы Киллэм уйгулаах сиригэр Дьокуускай куорат  бэтэрээннэрин түмсүүтүн Ыһыаҕа буолан ааста. Социальнай харалта управлениета уонна Николай Александрович Тряпша салайааччылаах Дьокуускай куорат бэтэрээннэрин сэбиэтэ аҕам саастаахтарга бэрт сэргэх бырааһынньыгы тэрийэн ыыттылар.

Дьаҥ тарҕаммыт кэмигэр ытык дьоммут үксүлэрэ да дьиэҕэ хааллан олорбуттара. Билигин ыарыы намыраан “көҥүл олох” буолбутуттан үөрбүттэрэ, сүргэлэрэ көтөҕүллүбүтэ харахха быраҕыллар.

Киин куорат араас уокуруктарыттан 300-тэн тахсан киһи түмсүбүт. Ыһыах аһыллыыта холуонналар сэлэлии хаамыыларыттан саҕаланна. Тулагы Киллэм, Автодорожнай, Гагаринскай, Губинскай, Октябрьскай, Сайсары, Строительнай, Промышленнай уокуруктар, Марха, Кангалаас, Табаҕа кытыннылар.

Киин уокурук

Ыһыах сиэрин-туомун толорууга улахан болҕомто ууруллубута кэрэхсэбиллээх. Кэлбит дьон алгыс иҥэриннилэр, сир-дойду, уот иччилэригэр сүгүрүйдүлэр, айах туттулар.

Сэлэлии хаамыы кэнниттэн ырыа-тойук, үҥкүү-битии көҕүлүттэн тутулунна. Араас омуктар ырыаларын, үҥкүүлэрин сэргэ сэрии кэминээҕи уостан түспэт ырыалар толорулуннулар. Эҕэрдэ кэнсиэр кэмигэр бэтэрээннэри чиэстээтилэр, ол иһигэр Аҕа дойду Улуу сэриитин кыттыылааҕа Петр Константинович Яковлевка ураты ытыктабыллаах сыһыаннарын көрдөрдүлэр.

Бэлиэтээн эттэххэ, Сэрии бэтэрээннэрин, сэбилэниилээх күүстэр уонна быраабы араҥаччылыыр уорганнар уопсастыбаннай түмсүүлэрин дааннайыгар олоҕуран, Саха сиригэр билигин 25 Аҕа дойду Улуу сэриитин кыттыы-лааҕа баар. Олортон 19-һа Дьокуускай куоракка олорор.

Бэтэрээннэр Үрүҥ Тунах Ыһыахтарыгар күн-дьыл туран биэрдэ: түһүлгэҕэ күн сандаарыччы тыкта, ону кытта сөрүүкэтэр сиккиэр тыал күүлэйдээтэ. Дьон сүргэтэ көтөҕүллэн, олус көхтөөх бырааһынньык буолан ааста. Алгыс тыла алкыйда, оһуокай ыраахха диэри дьиэрэйдэ, сахалыы таҥас күрэҕэ, талааннар куонкурустара – барыта үрдүк таһымнаахтык барда.

Губинскай уокурук

Н.А. Тряпша – Дьокуускай куорат бэтэрээннэрин сэбиэтин салайааччыта:

- Ыһыахпытыгар 300-тэн тахса кырдьаҕаһы түмтүбүт.

Куорат Дууматын сессиятыгар бэтэрээннэри Өлүөнэ очуостарыгар сынньатар туһунан этии киирбитин бэлиэтиэм этэ. Икки сыл пандемия кэмигэр кырдьаҕастарбытын ханна да айаннаппатахпыт. Быйыл табыллыан сөп буолла.

Талааннар күрэхтэрэ тыҥааһыннаахтык уонна интэриэһинэйдик ааста, кыайыылаахтар сыаналаах бириистэри тутан үөрдүлэр. Оттон холуонналар күрэхтэригэр Октябрьскай уокурук бэтэрээннэрин сэбиэтэ кыайда, иккис – Киин уокурук, үһүс Тулагы сэлиэнньэтин бэтэрээннэрэ буоллулар. Бырааһынньык доҕордоһуу оһуокайынан түмүктэннэ.

Октябрьскай уокурук
Тулагы бэтэрээннэрэ
Табаҕа бэтэрээннэрэ
Марха

Сонуннар

Ордук ааҕаллар

Биир хоһоон дьылҕата
Дьон | 24.09.2022 | 10:00
Биир хоһоон дьылҕата
Түөрт талаан сүдү кыайыыта
Санкция, бизнес уонна барыс
Сонуннар | 24.09.2022 | 14:00
Санкция, бизнес уонна барыс
Ханнык баҕарар кризис, санкция дьоҕус бизнескэ охсууну оҥороллор уонна... саҥа кыахтары арыйаллар. Билиҥҥи кэмҥэ бизнес ханнык салаата ордук барыстааҕый? Чуолаан Саха сиригэр? Ол туһунан аан дойду ырыынагын көрөн-истэн баран, саҥа саҕалааччыларга туһалаах буоллун диэн сырдатабыт.
Октябрьскай уокурукка саҥа тиэргэн территорияларын арыйдылар
Сонуннар | 28.09.2022 | 14:00
Октябрьскай уокурукка саҥа тиэргэн территорияларын арыйдылар
Саха сирин Судаарыстыбаннаһын күнүгэр өрөспүүбүлүкэ киин куоратын Каландаришвили уул., 1 уонна Ленин проспега, 46 аадырыстарга спортивнай балаһааккалаах саҥа тиэргэн территорияларын арыйдылар диэн иһитиннэрдэ Олохтоох дьаһалта пресс-сулууспата.
Дьокуускайга аҕалар бастакы слеттара ыытылынна
Сонуннар | 27.09.2022 | 16:00
Дьокуускайга аҕалар бастакы слеттара ыытылынна
Балаҕан ыйын 24 күнүгэр «Yрдэл» пааркаҕа «Ответственный отец – основа крепкой семьи» диэн Дьокуускай куорат аҕаларын бастакы слеттара ыытылынна. Бу туһунан Олохтоох дьаһалта Уопсастыбаннай сибээстэргэ уонна ыччат бэлиитикэтигэр управлениета иһитиннэрдэ.