Кыбартыырабытын саҥалыы былаанныырбытыгар тугу гынабыт?

Кыбартыыраны былааннааһын II түһүмэҕинэн оҥоһуллар. Кыбартыыраны бас билээччи «Мои Документы» кииҥҥэ тиийэн, “Согласование переустройства и/или перепланировки жилого помещения” диэн ааттаах өҥөҕө эрдэттэн сөбүлэһиигэ олоҕуран, маннык докумуоннары биэрэр:

Пааспар;

Нотариальнай итэҕэл (бэрэстэбиитэл нөҥүө оҥоһуллар буоллаҕына);

Саҥалыы былааннааһын бырайыага (бырайыактыыр тэрилтэҕэ сакаастыахха наада);

Кыбартыыраны бас билэччилэр иккиттэн элбэх буоллахтарына, кинилэртэн нотариальнай итэҕэл ирдэнэр (дьиэ уопсай бас билиигэ баар буоллаҕына);

Элбэх кыбартыыралаах дьиэни бас билээччилэр уопсай мунньахтарын боротокуола.

Дьиэни былааннааһыҥҥа дьаһалы уонна сөбүлэһиини ылар уокуруктан уонна дьиэни салайар хампаанньаттан улахан тутулуктаах. Өскөтүн эһиги истиэнэҕит көтүрүллүбэт түгэнигэр, көҥүл биэримиэхтэрин сөп.

Дьиэни былааннааһын докумуона уопсайа 45 + 3 үлэ күннэрэ оҥоһуллаллар.

II түһүмэх

Кыбартыыраны былааннааһын түмүктэммитин кэннэ, "Утверждение акта приёмочной комиссии о перепланировке жилого помещения" диэн өҥөҕө сайабылыанньа биэрэҕит, онно маннык докумуоннары ирдииллэр:

Пааспар;

Нотариальнай итэҕэл (бэрэстэбиитэл нөҥүө оҥоһуллар түгэнигэр);

Саҥалыы былааннааһын бырайыага (бырайыактыыр тэрилтэҕэ сакаастыахха наада);

Уокурук салалтатыттан уонна салайар хампаанньаттан үлэ ыытылларын/ыытыллыбатын туһунан аакта.