07.11.2020 | 17:57

КЫБАРТЫЫРА АТЫЫЛАҺААЧЧЫЛАРГА СҮБЭЛЭР

КЫБАРТЫЫРА АТЫЫЛАҺААЧЧЫЛАРГА СҮБЭЛЭР
Ааптар: Киин Куорат

Кыбартыыра атыылаһыахпыт иннинэ тугу бэрэбиэркэлиэхтээхпит туһунан юристар сүбэлииллэрэ үгүс. Ону барытын үөрэтэн көрөн баран, сүрүн түһүмэхтэри бэлиэтээтибит.

Иккис ырыынакка, ол аата эргэ дьиэҕэ кыбартыыра атыылаһар буоллаххытына:

- ЕГРН выпискатын сакаастаан ылаҕыт. МФЦ нөҥүө судургутук ылыллар ыспыраапка, сыаната – 400 солк. Бу кумааҕыны ылан эһиги бэрэбиэркэлиигит: дьиэ атын бас билээччилэрдээх дуу, суох дуу; дьиэ ханна да солуок ууруллубатаҕын; дьиэ хайдах, хаһан ылыллыбыта (манна араас мөккүөрдээх түгэннэр үгүс буолуохтарын сөп).

- Кыбартыыра илииттэн илиигэ бэриллибитин көрдөрөр ЕГРН выпискатын ылаҕыт. Аҕыйах сыл иһигэр киһиттэн киһиэхэ элбэхтик атыыламмыт дьиэ буоллаҕына сэрэхэдийиэххэ сөп.

- Дьиэни атыылыыр киһи бэйэтин моҥкуруутунан биллэрбэтэҕин бэрэбиэркэлиигит. Тоҕо диэтэххэ, моҥкуруукка барбыт киһи хамсаабат баайы-дуолу кытта дуогабардары түһэрсэрэ 3 сыл устата дьиҥэ суоҕунан ааҕыллыахтарын сөп.

http://fssp.gov.ru сайтка атыыһыт толору аатын киллэрэн информацияны көрдөөҥ. Атыыһыт улахан иэстээх буоллаҕына, моҥкуруукка бараары сылдьар буолуон сөп.

Арбитражнай суут дьыалаларын картотекатыгар атыыһыт туһунан информацияны көрүҥ.

  • Дьиэни атыылыыр киһи кэргэннээҕин, кэргэнэ суоҕун бэрэбиэркэлээҥ. Дьиэ кэргэн уопсай баайын-дуолун атыылыырга, дьиэ биир эрэ киһи аатыгар суруллубут да буоллаҕына, кэргэнин нотариальнай көҥүлэ хайаан да наада. Бу көҥүлэ суох атыылаатаҕына, кэлин кэргэнэ дуогабары көтүрэр кыахтаах.
  • Дьиэни атыылаһарыгар хаһаайын Ийэ хапытаалын туһаммытын бэрэбиэркэлээҥ. Туһаммыт буоллаҕына, бу дьиэҕэ оҕолоругар өлүүлээбит буолуохтаах. Өлүүлээбэккэ атыылаабыт буоллаҕына, эргиэн дуогабара кэлин дьиҥэ суоҕунан билиниллиэн сөп.
  • Атыылааччыттан хапытаалынай өрөмүөн пуондатыгар иэһэ суоҕун туһунан ыспыраапката көрдөөҥ. Урукку хаһаайын иэһэ саҥа хаһаайыҥҥа көһөр.
  • ОДьКХ өҥөлөрүгэр иэһэ суоҕун туһунан ыспыраапканы ирдиэххитин сөп. ОДьКХ иэһэ хаһаайынтан атын хаһаайыҥҥа көспөт, ол иһин бу ыспыраапка булгуччу наада буолбат.
  • Ф-3 формалаах ыспыраапканы ылыҥ – кыбартыыраҕа пропискаламмыт дьон туһунан. Ким эмэ пропискатыттан уһуллубакка сылдьар буоллаҕына суутунан устуохха сөп. Бастайааннай олорор бырааптаах, приватизацияттан аккаастаммыт дьону пропискаттан сатаан устубаккыт.
  • Кыбартыыра уопсай иэнигэр уларыта тутуулар ыытыллыбыт буоллахтарына докумуоннарга киирбит буолуохтаах (техпаспорт).
  • Кыбартыыра атыыланарыгар иччитэх буолуохтаах. Дьон дьиэни атыылаһан баран хаһаайыттары сатаан таһаарбат түгэннэрэ баар.
  • Кыбартыыраны дэбиэрэнэһинэн атыылыыр буоллахтарына, дэбиэринэс чуолкай эһиги атыылаһар кыбартыыраҕытыгар бэриллибит буолуохтаах. Хаһаайыны кытта сирэй көрсөн доруобуйатын туругун, өйүн-санаатын тургутан көрөр наада. Дьиэни атыылаһарга бас билээччиттэн бэйэтиттэн ылбыт быдан ордук.

Эргэ дьиэни атыылаһарга араас күчүмэҕэйдэри көрсүөххэ сөп. Иккис, үһүс бас билээччи хаһан баҕарар бэйэтин быраабын туруорсар кыахтаах. Ханныктаах да юрист 100 бырыһыан мэктиэлээбэт. Ол иһин “титульнай страховка” диэни оҥорторор тоҕоостоох.

Сонуннар

Ордук ааҕаллар

Үлэҕэ ыыппытым, состоруулаах кэллэ
Сынньалаңңа | 22.09.2022 | 18:00
Үлэҕэ ыыппытым, состоруулаах кэллэ
Биһиги ыал буолан олорбуппут 20-тэн тахса сыл буолла. Кэргэммин хас хамсаныытын, тыынарын, атаҕын тыаһын, оннооҕор ааны арыйан киирэриттэн настарыанньата уларыйбытын олох ончу курдаттыы билэбин. Ол курдук чугастыыбыт, ол курдук бэйэ-бэйэбитин билсэн, биир сыалай буолбуппут ыраатта. Оннооҕор биир түүлү түһээн турааччыбыт, киэһээҥҥи аһылыкка тугу астыахтаахпытын, тугу сиэхпитин баҕарарбытын тэҥинэн этэн кэбиһэн...
Үлэни, дьиэ кэргэни өрө-тутан – үйэ аҥаара бииргэ
Дьон | 22.09.2022 | 10:00
Үлэни, дьиэ кэргэни өрө-тутан – үйэ аҥаара бииргэ
Быйыл балаҕан ыйыгар Дьокуускайга Саха АССР 100 уонна киин куорат төрүттэммитэ 390 сылларыгар анаммыт «Трудовые династии города Якутска» кинигэ сүрэхтэммитэ. Кинигэни Саха сирин бэчээтин туйгуна Юрий Троев таһаарда, ааптар-хомуйааччы – Матрена Кондратьева.
Үтүө үөрүйэх уонна практикаҕа таба туһаныы
Сонуннар | 22.09.2022 | 11:22
Үтүө үөрүйэх уонна практикаҕа таба туһаныы
Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Саныахха бу ааспыт сайыны
Сынньалаңңа | 23.09.2022 | 18:00
Саныахха бу ааспыт сайыны
Сайыммыт элэс гынан ааспытын өйдөөбөккө да хааллыбыт. Харах далыгар сылдьар дьоммут сынньалаҥнарын хайдах атаардылар? Ким тугу ситистэ, ханна сырытта? Ол туһунан биһиги “сулус” доҕотторбутуттан сурастыбыт.