КЫҺЫҤҤЫ БҮЛҮҮДЭЛЭР

Убаһа этиттэн индигирка

Састааба: убаһа этэ (сиикэй), эриэппэ луук, лимон, туус, мас арыыта, укуруоп, чеснок, петрушка. Убаһа этин кыра гына түөрт муннуктуу кырбыыбыт. Эриэппэ луугу, чесногу бытархай гынабыт. Сөбүгэр көрөн туустуубут, петрушка уонна укуруоп эбэбит (хатарыллыбыт да буолуон сөп). Бүтэһигэр лимон уутун ыган кутабыт.

Хаһалаах эккэ сууламмыт быар (Тоҥнуу сиэнэр бүлүүдэ)

Састааба: убаһа этэ - 20%, баһа быара - 40%, байтаһын биэ хаһата – 40 %, туус, тума. Эти, хаһаны кытары холбуу эрийэбит, ас салапааныгар хаптаччы тэлгэтэбит, ол үрдүгэр быары уһун гына быһан уурабыт, туустуубут, тумалыыбыт, халбаһы курдук төгүрүтэ эрийэбит уонна салапаанынаан тоҥоро уурабыт. Сииргэ бөһүтэ түһэн баран, чараас соҕус гына быһаттыыбыт.

“Оһуокай” салаат

Састааба: 350 гр харта, 1 эриэппэ луук, 1 сибиэһэй оҕурсу, 1 помидор, күөх луук, мас арыыта. Хартаны соломолуу, луугу, оҕурсуну, помидору кубиктыы кырбыыбыт. Барытын холбуубут, мас арыытынан тумалыыбыт, күөх луук таммалатабыт.

"Дуоһуйуу” салаат

Састааба: 300 гр. убаһа этэ, 1 сибиэһэй оҕурсу, 2 моркуоп 3-4 өлүүскэ чеснок. Эти чараас гына кырбыыбыт, моркуобу, оҕурсуну кырбаан, чесногу илдьиритэбит. Мас арыытын кутан булкуйабыт. Тымныыга ууран сойутан баран минньигэстик, астына сиибит. Быар салаата

Састааба: быар – 0.5 кг, күөх дьаабылыка – 1 уст, болгарскай биэрэс – 4 уст, мас арыыта, соевай соус, яблочнай уксус, эриэппэ луук, чеснок. Быары синньигэс гына кырбыыбыт, мас арыытыгар ыһаарылыыбыт, онно луук, чеснок, туус, соевай соус кутабыт. Болгарскай биэрэһи уонна күөх дьаабылыканы мас арыытыгар туспа ыһаарылыыбыт, уксус кутабыт, барытын бииргэ холбоон булкуйабыт.