12.11.2021 | 14:30

Кыһалҕалаах дьон өйөбүл ылыахтара

Кыһалҕалаах дьон өйөбүл ылыахтара
Ааптар: Киин Куорат

Социальнай хантыраак чэрчитинэн Дьокуускай уонна куорат кытыытынааҕы нэһилиэнньэлээх пууннар кыһалҕалаах олохтоохторо өйөбүлүнэн туһаныахтара. Куорат баһылыгын солбуйааччы Наталья Степанова уонна СӨ үлэҕэ уонна социальнай сайдыыга Министиэристибэтин иһинэн үлэлиир нэһилиэнньэ социальнай харалтатын  Управлениетын начаалынньыга Семен Матвеев социальнай хантыраакка дьону сүүмэрдиир хамыыһыйа мунньаҕын ыыттылар. 
Хамыыһыйа Дьокуускай уонна куорат кытыытын 26 олохтооҕун биисинэс-былаанын көрдө. Үбүнэн көмө бу сыл бүтүөр диэри оҥоһуллуохтаах. Хамыыһыйа быһаарыытынан өйөбүлү 11 бырайыак ылыахтаах. 
Баһылыгы социальнай боппуруостарга солбуйааччы Наталья Степанова бэлиэтээбитинэн, социальнай хантыраак – социальнай харалта уорганын уонна кыһалҕалаах ыал икки ардыгар түһэрсиллэр, олохторун хаачыстыбатын тупсарар биисинэс сайдыытыгар  көмөлөһөр дуогабар. Итиннэ бастакы уочараттаах быраабынан оҕолоох, ол иһигэр элбэх уонна инбэлиит оҕолоох ыал туһаналлар. 
«Бүгүн бэйэ дьыалатын арыйыан баҕалаах эдэр дьон былааннарын иһиттибит. Бу тэрээһин ыарахаттары туорааһыҥҥа өйөбүл буолар сыаллаах. Киирбит бырайыактар ортолоругар кэрэхсэбиллээх, нэһилиэнньэҕэ туһалаах идиэйэлэр бааллар, оннуктары өйөөтүбүт», — диэтэ Наталья Степанова.
Быйыл судаарыстыбаннай социальнай көмө хантыраагынан предпринимательствоҕа 250 тыһ. солк. итэҕэһэ суох, оттон тус хаһаайыстыбаны сайыннарыыга 100 тыһ. солк. итэҕэһэ суох, ону сэргэ ыарахаттары туоруур тэрээһиннэргэ айах ииттэр (прожиточнай минимум) үс алын кээмэйиттэн алтаҕа диэри үбүлээһин, үс ыйтан алта ыйга диэри болдьохтоох бэриллэр. 
Үөрэх ирдэнэр буоллаҕына эбии 30 тыһ. солк. төлөнөр. Саха сиригэр социальнай хантыраагынан оҥоһуллар көмө сууммата сылын аайы үрдүүр. Ол курдук, 2020 сылга 303 мөл. солкуобай, быйыл федеральнай бүддьүөттэн кыттыгас үбүлээһини учуоттаан 607 мөл. солк. көрүллүбүт, 5 тыһ. кэриҥэ социальнай хантыраак түһэрсиллэрэ былааннанар.

Сонуннар

Ордук ааҕаллар

Хоһоон ааҕыытыгар аһаҕас күрэс
Сонуннар | 24.11.2021 | 16:00
Хоһоон ааҕыытыгар аһаҕас күрэс
Саха АССР төрүттэммитэ 100 сылын кѳрсѳ, Ньурба оройуонун Малдьаҕар нэhилиэгин В.И. Максимов аатынан орто оскуолата 100 сылынан, Малдьаҕар  нэhилиэгин бастакы учуутала,  Дьокуускайдааҕы учительскай семинария бастакы выпускнига (1914-1917с.с)., Ньурба улууһун исполнительнай комитетын бэрэссэдээтэлэ, бэрэссэдээтэл солбуйааччыта (1924-1927 с.с)., Бүлүү уеһын общественнай куттала суох буолуутун комитетын чилиэнэ, продовольственнай уонна сир управаларын бэрэссэдээтэлэ (1923...
“Тобуруокап күһүнэ – Иэйии биһигэ"
Сонуннар | 22.11.2021 | 14:30
“Тобуруокап күһүнэ – Иэйии биһигэ"
“Иэйии” кэммиэрсийэтэ суох литературнай түмсүү көҕүлээһининэн “Тобуруокап күһүнэ – Иэйии биһигэ" кинигэ   Хаҥалас улууһун киин библиотекатыгар сүрэхтэннэ.    Тэрээһини Хаҥалас улууһун "Өлүөнэ долгуннара" литературнай түмсүү салайааччыта Людмила Колесова уонна Хаҥалас улууһун кииннэммит библиотекатын сүрүн испэсэлииһэ Валентина Колесова иилээн-саҕалаан ыыттылар.  Куйаар нөҥүө Үөһээ Бүлүүттэн «Нам» МТ нэһилиэгин баһылыга Николай Иннокентьевич Кардашевскай, Петр...
Уһааттаах дьордьомоһуттар
Тускар туһан | 21.11.2021 | 11:00
Уһааттаах дьордьомоһуттар
Ааҕааччыларбар тиэрдиэхпин баҕарар кэпсээним 1990-1991 сылларга буолбута. Оччолорго Сойуус баар, сопхуостар тигинэччи үлэлии тураллар, дьон-сэргэ этэҥҥэ олорор, астаах-таҥастаах кэмэ.  Кэргэним суоппар идэлээх, сопхуос “Урал” лесовоз массыынатыгар үлэлиир, мин бастакы уол оҕобор олоробун. Атырдьах ыйа этэ. Дьон өрөбүл аайы, үлэлэриттэн быыс-арыт булан, бары сир астыыллар. Билиҥҥи курдук тыаҕа тахсан ыалларгын, илин-арҕаа...
Эһэ ытыырын көрбүтүм...
Тускар туһан | 21.11.2021 | 12:00
Эһэ ытыырын көрбүтүм...
Бу түбэлтэ туһунан ааспыт үйэ 80-с сылларын саҥатыгар кырдьаҕас булчуттан истэн турардаахпын. Баһылай диэн ааттаах кырдьаҕас оччолорго 70-ун ааспыт этэ, мин 30-чалааҕым. Сэтинньи ыйга уоппуска ылан дэриэбинэттэн уонтан тахса көстөөх сиргэ атынан бултуу таҕыстыбыт. Үүтээммитигэр ортотугар хонон тиийдибит. Айаннаан иһэн булт суолун арааһын көрдүбүт. Тайах суола хас үрүйэ, үрэх аайы...