«Куттала суох уонна хаачыстыбалаах суоллар» национальнай бырайыак чэрчитинэн 20 уулусса аспаалланна

Сакаасчык «Главстрой» МКТ иһитиннэрбитинэн, «Куттала суох уонна хаачыстыбалаах суоллар» национальнай бырайыак чэрчитинэн 30 км тахса суол (62 %) 20 уулуссаҕа аспаалламмыт. 
Бэдэрээччик  «РИК Автодор» АУо суол сүрүн үлэтин Жуковскай, Луговой, Широких-Полянскай, Шевченко уулуссаларыгар, Хатыҥ-үрэх шоссетыгар Христофор Максимов уулуссатыгар, Эргэ Покровскайдыыр тракка, Көтөр фабрикатын дьоҕус оройуонугар Студенческай уонна Нагорнай уулуссаларыгар, Кангалаас дьоҕус оройуонугар Молодежнай уонна 26-с партсъезд  уулуссаларыгар, Маҥан сэлиэнньэтигэр Кыайыы 40 сыла уулуссаҕа, Хатас сэлиэнньэтигэр Каландаришвили уулуссатыгар, Пригороднай сэлиэнньэтигэр Пляжнай, Набережнай уонна Совхознай уулуссаларга түмүктээбит.
Бэдэрээччик «Инвестдорстрой» ХЭТ Халтурин уулуссатын ааспааллаабыт. Өссө биир бэдэрээччик «Туймаада» ХЭТ Кангалаас дьоҕус оройуонугар Объездной уулуссатын өрөмүөннээбит. «Сельдорстрой» ХЭТ Ойуунускай уулуссатыгар өрөмүөнү түмүктээбит. «Альянс 2007» ХЭТ Тулагыга уонна Табаҕаҕа элбэх оҕолоох ыаллар олорор кыбартаалларыгар тиийэр суоллары оҥорбут. 
Билиҥҥи туругунан Марха дьоҕус оройуонугар ДРСУ «Сэттэ» ХЭТ Олег Кошевой уулуссатыгар сүрүн үлэни 85 % бүтэрбит. Бэдэрээччик «Дорисс» ПАУо Тулагы сэлиэнньэтигэр Николаев уулуссатыгар тротуардары оҥоро сылдьар, үлэ бэлэмэ 67%. «РИК Автодор» АУо Авиатордар уулуссаларыгар тымныы ресайклинг ньыманан үлэни уонна аспааллааһыны оҥорор. Бу эбийиэк үлэтэ 67% бүппүт. Эмиэ ити бэдэрээччик Клара Цеткин уулуссатыгар аспааллыыр.  Манна «Сахатранснефтегаз» АУо гаас ситимин өрөмүөннүүр, турбалары уларытар. Эбийиэк бэлэмэ 40%. 
Ааспааллааһын 8 эбийиэккэ – Олег Кошевой, Иван Кульбертинов, Авиатордар уулуссаларыгар, Окружной шоссеҕа, Тускул дьоҕус оройуонугар Иосиф Николаев уулуссатыгар, Мархаҕа Советскай уулуссаҕа, Хатаска Сидор Алексеев  уонна Тулагыга Николаев уулусаларыгар ыытыллар. Покрышкин уулуссатыгар сир үлэтэ барар.  
Марха дьоҕус оройуонугар Заводской уонна Интернациональнай уулуссаларга  1,9 км (5%) уһуннаах суолу оҥоруу балаҕан ыйыгар былааннаммыт.