Куорат күнүнэн тугу бэлэмнээтилэр?

Олохтоох дьаһалта Урбааҥҥа, потребительскэй ырыынакка уонна туризмы сайыннарыыга департемана Куорат күнүнэн сонун күрэхтэргэ уонна тэрээһиннэргэ кыттарга ыҥырар.
Ол курдук, балаҕан ыйын 6 күнүгэр сарсыарда 10.00 чаастан Култуура уонна сынньалаҥ пааркатыгар ким баҕалааҕы, национальнай диаспоралары, уопсастыбаннай аһылык тэрилтэлэрин Плов бэстибээлигэр ыҥырар. Балаҕан ыйын 8 күнүгэр Атласовтар этно-уһаайбаларыгар үгэс буолбут Балык миинин бэстибээлэ күүтэр. Манна эмиэ ким баҕалаах кыттыан сөп. Бэстибээл чэрчитинэн балык бородууксуйата атыыланыаҕа. Балаҕан ыйын 9 күнүгэр Кыайыы болуоссатыгар уопсастыбаннай аһылык тэрилтэлэрин «Вкусноград» бэстибээл күүтэр. Балаҕан ыйын 10 күнүгэр Кырдьаҕас куоракка сарсыарда 10.00 чаастан «Золотистый каравай» бурдук ас бэстибээлэ ыытыллыаҕа. Бары тэрээһиннэргэ сайаапкалары күүтэллэр: Дьокуускай к., Ленин проспега, 15, 207-с кабинет. Электроннай почта: opt.yakutsk@mail.ru.