08.09.2023 | 16:00

Куорат икки уокуругар саҥа сылаас тохтобуллар аһылыннылар

Балаҕан ыйын 7 күнүгэр икки уокурукка – Автодорожнайга уонна Октябрьскайга сылаас тохтобуллар аһылыннылар диэн Олохтоох дьаһалта пресс-сулууспата иһитиннэрдэ.
Куорат икки уокуругар саҥа сылаас тохтобуллар аһылыннылар
Ааптар: Киин Куорат
Бөлөххө киир

Сылаас павильоннар Кулаковскай уулуссатыгар «Университет» уонна Красильников уулуссатыгар «Автодорожнай факультет» тохтобулларыгар аһылыннылар.

Үөрүүлээх тэрээһиҥҥэ олохтоохтору Дьокуускай куораттааҕы Дуума Бэрэссэдээтэлэ Альберт Семенов, куорат баһылыгын солбуйааччы Антон Алексеенко, «Главстрой» МХТ дириэктэрэ Алексей Варламов, «Союз Авто» кэмиэрсийэтэ суох тэрилтэ салайааччыта Андрей Косицкай, Автодорожнай уокурук Управатын салайааччыта Петр Попов, Октябрьскай уокурук Управатын салайааччыта Валентин Эверстов, «Артык-Строй» ХЭТ дириэктэрин солбуйааччыта Николай Варламов эҕэрдэлээтилэр.

Дьокуускай куораттааҕы Дуума Бэрэссэдээтэлэ Альберт Семенов Куорат күнүн көрсө олохтоохторго дьоһун бэлэхтэрин иһин Олохтоох дьаһалтаҕа махталын тириэртэ.

«Тыйыс усулуобуйаҕа олорор дьоҥҥо сылаас тохтобуллар ураты суолталаахтар, ордук оҕолорго уонна аҕа саастаах дьоҥҥо, куорат олохтоохторун усулуобуйатын тупсарыыга», - диэн бэлиэтээтэ Альберт Семенов.

Куорат баһылыгын солбуйааччы Антон Алексеенко «Тырааныспар инфраструктуратын биир кэлим сайдыыта» муниципальнай бырагыраама уонна  «Куттала суох хаачыстыбалаах суоллар» национальнай бырайыак чэрчилэринэн 2023 сылга Дьокуускайга 10 сылаас тохтобул аһылларын туһунан иһитиннэрдэ.

«Былырыын 30 сылаас тохтобулу туруорбуппут, быйыл уон эбиллэр. Бастакы уочарат сылаас тохтобуллары социальнай эбийиэктэр аттыларыгар тутабыт», - диэтэ Антон Алексеенко.

Сылаас тохтобуллар наадалаах тэриллэринэн – монитордарынан, «тепловой завесаларынан», харабыл-баһаарынай тэриллэринэн, салгыны ыраастыыр рециркулятордарынан,  пандуһунан, видеонан кэтээн көрүү камераларынан уо.д.а толору хааччылыннылар. Итини сэргэ тохтобул иһигэр гаджеттары босхо ииттэрэр розеткалар бааллар.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.