05.12.2020 | 16:58

Куорат бастыҥ олохтооҕун быһаарар бириэмийэҕэ сайаапкалары ылыы саҕаланна

Куорат бастыҥ олохтооҕун быһаарар бириэмийэҕэ сайаапкалары ылыы саҕаланна
Ааптар: Киин Куорат
Бөлөххө киир

Ахсынньы 1 күнүттэн сыл аайы ыытыллар “Якутянин года-2020. Якутск” уопсастыбаннай бириэмийэҕэ сайаапкалары ылыы саҕаланна. Быйыл “На страже здоровья” уонна “За сплочение поколений” диэн икки саҥа хайысха баар буолла.

Киин куорат сайдыытыгар кылааттарын киллэрбит аныгы кэм дьоруойдарын быһаарар аналлаах бириэмийэ дьон-сэргэ билиниитин ылбыт олохтоохторго туттарыллар. Тэрийээччилэр – Ykt.ru портал, “Журфикс” сурунаал, “Воспитание – всем обществом” оҕону иитиигэ уонна эбии үөрэхтээһиҥҥэ гражданскай көҕүлээһиннэри өйүүр өрөспүүбүлүкэтээҕи уопсастыбаннай хамсааһын. Тэрийэр кэмитиэт бэрэссэдээтэлэ – Дьокуускай куорат баһылыга Сардана Авксентьева.

Куонкуруска киин куоракка олорор уонна үлэлиир дьон кытталлар. Сайаапкаларгытын Yakutyanin_goda@mail.ru электроннай почтаҕа ыытаҕыт эбэтэр Ленин проспегын 15-гэр турар олохтоох дьаһалта дьиэтин бастакы этээһигэр тиийэн, «Якутянин года-2020. Якутск» диэн почта дьааһыгар угаҕыт. Сүүмэрдээһини ааспыт хандьыдааттар сайаапкаларын салгыы тэрийэр кэмитиэт көрөр. Ол кэннэ 21 киһилээх испииһэк бигэргэнэр.

Тохсунньу 11-27 күннэригэр Ykt.ru сайтка интэриниэт куоластааһын ыытыллар. 2021 сыл олунньу 2-4 күннэригэр тэрийэр кэмитиэт мунньаҕа буолар. Онно куоластааһын түмүгүнэн бириэмийэ лауреаттарын ааттара биллэр.

Куоластааһын түмүгүнэн 6 лауреат уонна саамай элбэх баалы ылбыт Гран-при хаһаайына быһаарыллар.  Кыайыылаахтары 2021 сыл олунньу 5 күнүгэр наҕараадалыахтара.

Санатан аастахха,  «Якутянин года – 2019. Якутск» кыайыылааҕынан профессор, социологическай наука дуоктара Ульяна Винокурова ааттаммыта.

Ханнык хайысхалар баалларын, туох докумуон ирдэнэрин сиһилии якутск.рф сайтка киирэн аах.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...