Куорат баһылыгар приемҥа хайдах суруйтарабыт?

Киин куорат баһылыгын тус приемугар эрдэттэн суруйтаран эрэ киириллэр. Суругунан сайабылыанньаны, кыһалҕаны сиһилии ыйан туран, Олохтоох дьаһалта гражданнары уонна тэрилтэлэри кытта үлэлиир салаатыгар ыытыллар.

Сайабылыанньаҕа төлөпүөн нүөмэрин эбэтэр электроннай почтаны (почта аадырыһын) чопчу суруллар, онно баһылык тус приемугар хаһан уонна хас чааска кэлэргит туһунан иһитиннэрии кэлиэхтээх.

Сайабылыанньаны ыытыы хас да көрүҥүттэн биир табыгастааҕы талыахха сөп:

- yakutsk@sakha.ru официальнай электроннай почтаҕа суруйан;

- 40-80-76 нүөмэргэ төлөпүөннээн;

- почтанан ыытан: Дьокуускай куорат, Ленин пр., 15;

- Олохтоох дьаһалта гражданнары уонна тэрилтэлэри кытта үлэлиир салаатыгар сайабылыанньаны илдьэн туттарыахха сөп. Аадырыһа: Дьокуускай куорат, Ленин пр., 15, 113-с кэбиниэт. Үлэ күнүгэр сарсыарда 9.00 чаастан киэһэ 18.00 чааска диэри (эбиэккэ тохтобул – 13.00 чаастан 14.00 чааска диэри).