17.03.2022 | 16:00

Өксөкүлээх Өлөксөй төрөөбүтэ 145 сыла бэлиэтэннэ

Өксөкүлээх Өлөксөй төрөөбүтэ 145 сыла бэлиэтэннэ
Ааптар: Киин Куорат

Саха литературатын төрүттээччи Алексей Елисеевич Кулаковскай — Өксөкүлээх Өлөксөй төрөөбүт күнүгэр норуоттар Доҕордоһууларын болуоссатыгар баар пааматынньыгар үөрүүлээх быһыыга-майгыга сибэкки дьөрбөтүн ууруу буолла. Тэрээһиҥҥэ куорат баһылыга Евгений Григорьев кытынна. Бу туһунан Олохтоох дьаһалта пресс-сулууспата иһитиннэрдэ.
«Бүгүн Саха сирэ норуоппут чулуу уола, саха литературатын төрүттээччи, поэт, учуонай, сырдатааччы Алексей Елисеевич Кулаковскай төрөөбүтэ 145 сылын бэлиэтиир. Кини толкуйдара уонна идиэйэлэрэ биһиэхэ уонна үүнэр көлүөнэҕэ улахан сабыдыаллаахтар. Алексей Елисеевич туһунан өйдөбүл норуоппут, тылбыт, литературабыт баалларын тухары үйэлэргэ тыыннаах буолуоҕа», - диэн бэлиэтээтэ Евгений Григорьев.
Суруйааччы сиэнэ Раиса Кулаковская дьиэ кэргэнин аатыттан Алексей Елисеевич Кулаковскай сырдык аатыгар уонна үлэлэригэр ытыктабылларын уонна болҕомтолорун иһин өрөспүүбүлүкэ, куорат олохтоохторугар махталын биллэрдэ.  
«Эһэбит олоҕун тухары учуутал этэ. Кини Таатта, Бүлүү уонна Хаҥалас оройуоннарыгар, ону кытта Дьокуускай куоракка үлэлээбитэ. Саха АССР төрүттэммитэ 100 сылын бэлиэтиир кэмҥэ Алексей Елисеевич Саха сирин судаарыстыбаннаһын олохтоспут Исидор Бараховы, өрөспүүбүлүкэ чулуу судаарыстыбаннай уонна политическай деятелин Степан Аржаковы, биллиилээх судаарыстыбаннай уонна политическай деятели Степан Гоголевы уонна онтон да атын өрөспүүбүлүкэ төрүттэнэригэр кылааттарын киллэрбит дьону иитэн таһаарбыта диэн санатыахпын баҕарабын», — диэтэ Раиса Кулаковская.
Пааматынньыкка сибэкки дьөрбөтүн уурууга норуодунай дьокутааттар, Олохтоох дьаһалта бэрэстэбиитэллэрэ, уопсастыбаннай деятеллэр, Алексей Елисеевич Кулаковскай аймахтара уонна биир дойдулаахтара, уопсастыбанньыктар уонна куорат олохтоохторо кытыннылар.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.