17.03.2022 | 13:00

Крым Арассыыйаҕа холбоспут Күнүн көрсө флешмоб ыытылынна

Крым Арассыыйаҕа холбоспут Күнүн көрсө флешмоб ыытылынна
Ааптар: Киин Куорат
Бөлөххө киир

«Крымская весна» Бүтүн Арассыыйатааҕы аахсыйа чэрчитинэн кулун тутар 16 күнүгэр киин куорат Кыайыы болуоссатыгар киэҥ далааһыннаах флешмоб ыытылынна. Аахсыйа кыттыылаахтара былаах тутуурдаах Z уонна V буукубалар курдук турдулар. Бу туһунан Олохтоох дьаһалта пресс-сулууспата иһитиннэрдэ.
Флешмобу Олохтоох дьаһалта уопсастыбаннай сибээстэргэ уонна ыччат бэлиитикэтигэр Управлениета тэрийдэ.
«Тэрээһиҥҥэ 100-чэ куорат олохтооҕо кытынна. Кинилэр ортолоругар уопсастыбанньыктар, уокурук уонна куорат кытыытын көхтөөх олохтоохторо, ыччат, уу тырааныспарын Сибиирдээҕи судаарыстыбаннай университетын курсааннара бааллар. Биһиги улуу дойдубут, өрөспүүбүлүкэбит уонна Дьокуускайбыт былаахтарын тутан Z уонна V буукубалар курдук турдубут», - диэн иһитиннэрдэ Олохтоох дьаһалта уопсастыбаннай сибээстэргэ уонна ыччат бэлиитикэтигэр Управлениетын начаалынньыга Ирина Атласова.
Быйыл аахсыйа Луганскай уонна Донецкай норуодунай өрөспүүбүлүкэлэр олохтоохторун, ону сэргэ байыаннайдарбыт Украинаҕа ыытар анал эпэрээссийэлэрин өйүүр сыаллаах ыытыллар.
Манна даҕатан эттэххэ, киин куоракка кулун тутар 17 күнүгэр массыыналары сүүрдүү (автопробег), кулун тутар 18 күнүгэр Комсомольскай болуоссакка «Zа Мир! Zа Россию! Zа Президента! Zа Наших!» официальнай луозуннардаах аахсыйа ыытыллар.

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...