Коронавируска анаалыс ылыы уларыйда
![Коронавируска анаалыс ылыы уларыйда](https://kiinkuorat.ru/wp-content/uploads/2020/06/755861676421321.jpeg)
Доруобуйа харыстабылын министиэристибэтин пресс-сулууспата иһитиннэрэринэн, коронавируска анаалыс ылыы бириинсибэ уларыйда.
Ыарыы сибикитэ биллибит киһиэхэ “Коронавирусная инфекция без лабораторного подтверждения” диэн диагноз туруораллар, 8-10 күннэригэр кинини уонна алтыспыт дьонун босхо ПЦР чинчийиигэ ыыталлар. Маннык болдьоххо ыарыыны быһаарарга, бигэргэтэргэ ордук диэн кэтээн көрүү түмүгэр билиннэ.
COVID-19 дьаҥ тарҕаныаҕыттан, бэҕэһээҥҥи туругунан уопсайа 2500 кэриҥэ анаалыс ылыллыбыт. Ыйытыылаах дьон, министиэристибэ быһа линиятын нүөмэригэр 8-800-100-14-03 эрийиэххитин сөп.
Санатар буоллахха, хааччахтааһынтан тахсыы иккис түһүмэҕэ от ыйын 24 күнүгэр диэри уһаата.
“Мааскалаах сылдьыы булгуччулаах. 65-тэн үөһэ саастаах уонна ыарыһах дьон бэйэ изоляциятын тутуһуохтаахтар. Өрөспүүбүлүкэ таһыттан вахтанан үлэлии кэлээччилэр икки нэдиэлэ изоляцияҕа олоруохтаахтар. Спорт, култуура улахан тэрээһиннэрэ көҥүллэммэттэр, спортсаалалар, ас-үөл тэрилтэлэрэ сабыылаахтар”, – диэтэ Бырабыыталыстыба бэрэссэдээтэлин солбуйааччы Ольга Балабкина.
Сонуннар
Ордук ааҕаллар
![Мария Мигалкина: «Кэлии сиэмэлэринэн үлүһүйүмэҥ»](/thumbnails/600/300/wp-content/uploads/2024/07/zgV1bKwtkp.jpg)
![Изабелла Попова: Сүрэхпэр сөҥөрбүт дьүөгэлэрим](/thumbnails/600/300/wp-content/uploads/2024/07/08bzwt1DHL.jpg)
![Баһаар буруйдааҕын тыллыаҥ — наҕараада ылыаҥ](/thumbnails/600/300/wp-content/uploads/2024/07/FtpkFiKGrd.jpg)
![Саха сиригэр мелиорация үлэтэ саҕаламмыта 75 сылын туолла](/thumbnails/600/300/wp-content/uploads/2024/07/6LP5o124wA.jpg)