12.05.2020 | 16:55

Коронавирус кэмигэр дьиэ кэргэн өйөбүлүн туһунан

Коронавирус кэмигэр дьиэ кэргэн өйөбүлүн туһунан
Ааптар: Киин Куорат
Бөлөххө киир

Билигин коронавирус кэмигэр дьиэ кэргэҥҥэ судаарыстыбаттан оҥоһуллар көмөлөр тустарынан сааһылаан кэпсиибит: ⠀ 1. 3 сааһыгар дылы оҕолоох хас биирдии ыалга 5 тыһыынча солкуобай муус устарга, ыам ыйыгар, бэс ыйыгар көрүллэр (бу 3 ыйга эрэ).

3 сааһыгар дылы икки эбэтэр үс оҕолоох буоллаххытына, хас биирдии оҕоҕо ылаҕыт. Сайабыланньаны Судаарыстыбаннай өҥөлөр порталларын нөҥүө эбэтэр Биэнсийэ пуондатын саайтын нөҥүө номнуо туттарыахха сөп. ⠀ 2.  3 сааһыттан 15 сааһыгар дылы оҕолоохторго 10000 солкуобай көрүллэр буолла.

Бу харчы биирдэ эрэ бэриллэр. 3 сааһыттан 15-гэр дылы хас да оҕолоох буоллаххытына, хас биирдии оҕоҕо ылаҕыт. Официальнай ыйаах тахса илик буолан, госуслуги саайтыгар билиҥҥитэ суох. Баҕар эбии уларыйыы киириэн сөп.

3. 3 сааһыттан 7 сааһыгар дылы оҕолоох кыаммат (“малоимущай” диэн билиниллибит) ыаллар 8 930 солкуобай ый аайы ылыахтарын сөп.

Коронавируһунан сибээстээн аны бэс ыйыттан оҥотторуохха син буолла (урут от ыйыттан диэн этэ). Босуобуйа  тохсунньуттан саҕалаан ааҕыллар, перерасчет оҥоһуллар. 3 сааһыттан 7 сааһыгар дылы хас да оҕолоох буоллаххытына, хас биирдии оҕоҕутугар төлөнөр. Госуслуги сайт нөҥүө бэс ыйын 1 күнүттэн сайаапка ыытаҕыт. ⠀ 4. Үлэтэ суохтарга учуокка турар уонна 18 сааһын туола илик оҕолоох буоллаххытына, хас биирдии оҕоҕутугар эбии 3-түү тыһыынча ылар бырааптааххыт. Маны ыларга муус устар 1 күнүттэн бэс ыйын 30 күнүгэр диэри Дьарыктаах буолуу кииниттэн (Центр Занятости) билсэҕит. ⠀ 5. Социальнай харалтаттан оҕо балтараатыгар дылы босуобуйа саамай кыра сууматын (4726 солк.) ылар буоллаххытына, коронавирус кэмигэр икки төгүл үрдүк суумманы ылар буолаҕыт. ⠀ Арассыыйа үрдүнэн үгүс киһи сайабылыанньа биэрээри gosuslugi.ru киирэр буолан, сайт харар буолла, ол иһин сарсыарда өттүгэр, Арассыыйа киин регионнара утуйа сытар кэмнэригэр, киирэр табыгастаах эбит.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.