Коронавирус дьаҥын 304 түбэлтэтэ регистрацияланна

«Атырдьах ыйын 5 күнүгэр 304 түбэлтэ билиннэ, итинтэн 15 киһитэ балыыһаҕа киирдэ. Ыарыы 72%-на Дьокуускайга, онтон 45,7%-на улуустарга регистрацияланна. Суукка иһигэр 113 киһи үтүөрдэ», - диэн этиллэр иһитиннэриигэ.

Стационардарга ыалдьыбыт дьон 0,8%-на, амбулаторияларга – 99,2% эмтэнэллэр. Быһыыны ылбатах дьоҥҥо ыарыы уустуктук ааһара көстөр. Билиҥҥи туругунан 297 куойкаттан 29,6% миэстэ баар.

Быһыы бастакы компоненын 643 881 киһи ылла, ити өрөспүүбүлүкэ улахан дьонун 112,2%-на. Ревакцинацияны 170 281 киһи ааста, ити болдьохторо туолбут дьон 68%-на.

Ревакцинацияҕа намыһах көрдөрүү Алдан, Үөһээ Дьааҥы, Горнай, Мэҥэ Хаҥалас, Мииринэй, Нам, Нерюнгри, Өймөкөөн, Орто Халыма улуустарыгар уонна Дьокуускай куоракка бэлиэтэнэр.