Координационнай сэбиэккэ саҥа чилиэннэри ыллылар

Куорат баһылыгын иһинэн үлэлиир предпринимательство Координационнай сэбиэтигэр саҥа 16 предприниматель киирдэ. Сэбиэт уочараты таһынан мунньаҕын куорат баһылыгын тыа хаһаайыстыбатын сайдыытын боппуруостарыгар, эргиэҥҥэ, предпринимательствоҕа уонна тырааныспарга солбуйааччы Антон Алексеенко ыытта. Бу туһунан Уокуруктааҕы дьаһалта пресс-сулууспата иһитиннэрдэ.
Координационнай сэбиэт иккис бэрэссэдээтэлинэн уопсастыбанньык Олег Маклашов талылынна.
Предпринимательство Координационнай сэбиэтигэр киирдилэр: Дмитрий Александровскай – «Нью Вижн» ХЭТ дириэктэрэ, Роман Аммосов – «Саха Өрөспүүбүлүкэтин пааркаларын уонна уопсастыбаннай туоналарын сайдыыта» уопсастыбаннай тэрилтэ салайааччыта, Дмитрий Баишев – «Гого технолоджи» ХЭТ генеральнай дириэктэрэ, Антон Карпов – предприниматель, «Изумруд» научнай-производственнай уопсастыба, Денис Лыткин – предприниматель, Айаал Макаров – предприниматель, Ирина Матвеева – предприниматель, Ольга Николаева – предприниматель, Семен Никифоров – «Саха сирин архитектордарын сойууһун» бырабылыанньатын бэрэссэдээтэлэ, Артур Рудас – «Общепит Медиа» ХЭТ дириэктэрэ, Виктор Салтыков – «СТРОЙПОДРЯДИНК» ХЭТ генеральнай дириэктэрэ, Владимир Скупченко – предприниматель, ГКФХ, Андрей Софронов – «РОСТРОЙПРОЕКТ» ХЭТ генеральнай дириэктэрэ, Мичил Стручков – «Саха Өрөспүүбүлүкэтээҕи ИТ-салаатын Ассоциацията» кэмиэрсийэтэ суох тэрилтэ бэрэссэдээтэлэ, Артем Яковлев – «Генерация» хампаанньалар бөлөхтөрүн бырабылыанньатын бэрэссэдээтэлэ, Светлана Яковлева – «Яннамед» Медицинскэй клиника ХЭТ.
Куорат баһылыгын солбуйааччы Антон Алексеенко Координационнай сэбиэт урукку састаабыгар туһаайан ыыппыт үлэлэрин иһин махталын биллэрдэ.
«Уустуктардаах сыл ааста, куорат дьаһалтатын структураларыгар уонна Сэбиэппит састаабыгар элбэх уларыйыы таҕыста. Бары билэбит, Координационнай сэбиэт бизнес уопсастыбатыгар уонна куорат олохтоохторугар көмөлөһөр сыаллаах тэриллибитэ. Инники өттүгэр элбэх үлэ уонна бырайыактар олоххо киириилэрэ күүтэр», – диэбит  Антон Алексеенко уонна үүнэр сылга таһаарыылаах, ситиһиилээх үлэни баҕарбыт. 
Үөрүүлээх быһыыга-майгыга предпринимателлэргэ Дьокуускай куорат социальнай-экономическай сайдыытыгар өҥөлөрүн, итини таһынан «Кыһын Саха сириттэн саҕаланар» бэстибээли тэрийиигэ уонна ыытыыга уонна «Берегиня» тулаайах уонна төрөппүт көрүүтэ суох хаалбыт оҕолор Кииннэригэр көмөлөрүн иһин олохтоох дьаһалта Махтал суруктарын туттарбыттар.