Киин куоракка плов бэстибээлэ ыытылынна

Сонун тэрээһиҥҥэ барыта 8 хамаанда кытынна, ол иһигэр «КИД» ХЭТ – «Чолбон» остолобуой, «Эркээни» ХЭТ, «SportБАZA» спортивнай кулууп, «Узбектар национальнай култуурунай кииннэрэ» уопсастыбаннай тэрилтэ, ИП Мамуров Х.А., ИП Шамшиев И.С. «Плов киинэ», ИП Мирмахмудов М.М., ИП Петрова Л.Н. бааллар.

Олохтоох дьаһалта Предпринимательствоҕа, потребительскэй ырыынакка уонна туризм сайдыытыгар департаменыгар бэлиэтээбиттэринэн, бэстибээлгэ дьиэ кэргэттэр, уопсастыбаннай ас-үөл тэрилтэлтэлэрэ, урбаанньыттар уонна национальнай диаспоралар ыҥырыллыбыттар.

Кыттааччылар дьон-сэргэ дьүүлүгэр плов араас көрүҥүн оҥорон таһаардылар, кулинарнай кистэлэҥнэрин үллэһиннилэр. Дьүүллүүр сүбэҕэ «Сибирь» бааһынай хаһаайыстыбатын (Мархатааҕы сибиинньэ комплекса) шеф-повара Александр Пантюхов, «Тыгын Дархан» ресторан шеф-повара Константин Матаннанов уонна Олохтоох дьаһалта предпринимательствоҕа салаатын начаалынньыга Гаврил Харлампьев үлэлээтилэр.

Күрэх түмүгэ маннык буолла:

1 миэстэ – ИП Шамшиев И.С. «Плов киинэ»;

2 миэстэ – ИП Мирмахмудов М.М;

3 миэстэ – «SportБАZA» спортивнай кулууп.

Кыайыылаахтар Олохтоох дьаһалта аатыттан харчынан бириэмийэлэри, итиэннэ Култуура уонна сынньалаҥ пааркатын сертификаттарын туттулар.