15.03.2022 | 18:00

Киин куоракка 31-с кыбаартал маастар-былаана оҥоһулунна

Киин куоракка 31-с кыбаартал маастар-былаана оҥоһулунна
Ааптар: Киин Куорат
Бөлөххө киир

Саха сирин Бырабыыталыстыбатын Бэрэссэдээтэлин бастакы солбуйааччы  Кирилл Бычков ыыппыт мунньаҕар 31-с кыбаартал маастар-былаанын оҥоһуута, ону тэҥэ Дьокуускай куоракка территориялар кэлим сайдыыларын быһаарыы боппуруостара көрүлүннүлэр.  Бу туһунан Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата иһитиннэрдэ.
Бастакы вице-премьер маастар-былааннары уонна «суол каарталарын» бэлэмнээһиҥҥэ этиллибит болдьохтору тутуһарга ыҥырда.  
Бүгүҥҥү күннээҕи туругунан Өрөспүүбүлүкэтээҕи ипотека агентствота 31-с кыбаартал (Бестужев-Марлинскай – Кальвица – Богдан Чижик уулуссаларын оройуона) маастар-былаанын бырайыагын оҥордо. Сотору кэминэн бырайыак өрөспүүбүлүкэ Баһылыгын иһинэн үлэлиир архитектура уонна куораты тутуу Управлениетыгар кыбаартал кэлим сайдыытын быһаарыытын ылынарга киллэриллиэхтээх. 
Кыбаартал территориятын иэнэ – 4,84 га, куораты тутууга анаммыт кээмэйэ – 73,63 тыһыынча кв. м., онтон олорорго анаммыт иэнэ 58,9 тыһыынча кв. м. тэҥнэһэр. Манна даҕатан эттэххэ, 2076,1 кв. м. иэннээх элбэх кыбартыыралаах дьиэлэртэн көһөрүү былааннанар.  Итинтэн 776,10 кв. м. иэннээх түөрт дьиэтэ хаарбах туруктааҕынан билиниллибит. 
Олохтоох дьаһалта территорияларга төһө хаарбах туруктаах дьиэ баарын анаалыстаата, түмүккэ 28 кыбаартал чуолкайданна. Билиҥҥи кэмҥэ маастар-былаан бигэргэтилиннэҕинэ бастакы уочаратынан кэлим сайдыытын быһаарар курдук барыллаан 9 территория үөрэтилиннэ. 
Санатар буоллахха, өрөспүүбүлүкэ киин куоратын маастар-былаана 2022 сыл от ыйын иккис аҥарыгар бэлэм буолуоҕа. Бүгүҥҥү күҥҥэ элбэх кыбартыыралаах дьиэ ахсаанын чуолкайдааһын, сир учаастактарын инвентаризациялааһын ыытыллар. 
Территориялары кэлим сайыннарыы олорор дьиэлэргэ эрэ сыһыаннаах буолбатах, социальнай эбийиэктэр тутууларын, офиснай баайы-дуолу, промышленнай кластердары эмиэ таарыйар. Бырайыактары олоххо киллэрии олорор дьиэ тутуутун кэҥэтэргэ, өрөспүүбүлүкэ куораттарыгар уонна оройуоннарыгар бары өттүнэн табыгастаах эйгэни оҥорорго төһүү күүһүнэн буолуоҕа. 
Саха сирин Ил Дархана Айсен Николаев Судаарыстыбаннай мунньахха Илдьитигэр олорор дьиэ тутуутун, территориялары кэлим сайыннарар бырайыактары олоххо киллэриини тэтимирдэр уонна тутуу индустриятын сайыннарар ирдэнэрин тоһоҕолоон бэлиэтээбитэ.

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...