29.03.2024 | 20:36

Кэриэстэбил

Кэриэстэбил
Ааптар: Дьокуускай куорат Олохтоох дьаһалтата, Дьокуускай куорат дуумата, Дьокуускай куораттааҕы Үөрэх управлениета, 33 №-дээх «Теремок» оҕо садын кэлэктиибэ
Бөлөххө киир

Тыыл бэтэрээнэ, СӨ норуотун хаһаайыстыбатын үтүөлээх үлэһитэ, Арассыыйа норуотун үөрэхтээһинин туйгуна, СӨ үөрэҕин систиэмэтин Бочуоттаах бэтэрээнэ Горбунова Агния Владимировна уһун ыарахан ыарыыттан 89 сааһыгар Москваҕа орто дойду олоҕуттан күрэннэ.

Агния Владимировна 1935 сыл атырдьах ыйын 24 күнүгэр Саха АССР Ленскэй оройуонун Ньүүйэ сэлиэнньэтигэр элбэх оҕолоох дьиэ кэргэҥҥэ күн сирин көрбүтэ. Оҕо сааһа сэрии аас-туор сылларыгар ааспыта, сэттэлээх эрэ кыысчаан атын оҕолору кытта «Коммунарка» колхуоска оҕуруокка, бурдук ыһыытыгар, сүөһү көрүүтүгэр, от үлэтигэр эриллибитэ.

Күүстээх үлэ, сэрии ыар сыллара кинини сиэрдээх, эппиэтинэстээх буолууга, төрөөбүт дойдуга тулхадыйбат тапталга ииппиттэрэ.

1954 сыллаахха Дьокуускайдааҕы педучилище алын сүһүөх учууталын салаатын бүтэрэн, ыраах Булуҥ улууһун Тиксии бөһүөлэгэр учууталынан уонна пионер баһаатайынан үлэтин саҕалабыта. 1957 сыллаахха Дьокуускай куоракка көһөн кэлбитэ.

Агния Владимировна олоҕун 44 сылын кэнчээри ыччаты иитиигэ анаан, Дьокуускай куорат уонна Саха Өрөспүүбүлүкэтин оскуола иннинээҕи үөрэхтээһинигэр сүҥкэн кылаатын киллэрбитэ.

1983 сыллаахтан бочуоттаах сынньалаҥҥа тахсыар диэри Дьокуускайдааҕы 33 №-дээх «Теремок» оҕо саадын салайбыта, биэнсийэҕэ даҕаны олорон, үлэлээбит тэрилтэтин кытта ситимин быспатаҕа, ыытыллар үлэни, бырайыактары өрүү билсэрэ, сэргии истэрэ.

Агния Владимировнаны кини тус бэйэтин: «Оҕону иитэр наадата суох, бэйэбит киһилии олоруохтаахпыт»,- диэн кынаттаах тылларыттан ордук кэпсиир уустук. Киһи киһитэ, киһилии киһи, сиэрдээх киһи диэн тылларга кини дьиҥ-чахчы сөп түбэһэрэ.

Агния Владимировна чаҕылхай олоҕу олорон ааста. Биһиги сүрэхпитигэр өрүү сиэрдээх, үрдүк култууралаах, идэтин толору баһылаабыт уонна дьоҥҥо үтүөнү эрэ баҕарар талааннаах педагог, уопуттаах уһуйааччы, дьиҥнээх патриот, ыраас, сырдык эрэ киһи быһыытынан өйдөнөн хаалыаҕа.

Дьиэ кэргэнигэр, чугас дьонугар, доҕотторугар, кэллиэгэлэригэр дириҥ кутурҕаммытын тиэрдэбит.

 

Дьокуускай куорат Олохтоох дьаһалтата, Дьокуускай куорат дуумата, Дьокуускай куораттааҕы Үөрэх управлениета, 33 №-дээх «Теремок» оҕо садын кэлэктиибэ

Сонуннар

Ордук ааҕаллар

Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....
НВК Саха бырагыраамата от ыйын 8-14 күннэригэр
Сонуннар | 07.07.2024 | 10:00
НВК Саха бырагыраамата от ыйын 8-14 күннэригэр
Понедельник, 8 июля 6:00 Тиэргэн 6+ 6:30 Мы вам покажем 12+ 7:00 Сана кун 6+ 8:00 Утро Якутии 6+ 9:00 Сана кун 6+ 10:00 Утро Якутии 6+ 11:00 Тиэргэн 6+ 11:30 Айтал уонна аптаах куус 0+ 11:45 О5о саас ыллыыр 6+ 12:00 "Якутия" информационная программа 12+ 12:15 Сайдыс 6+ 12:45...