20.12.2023 | 17:30

Кэлэр сылга Дьокуускайга 32 км суол өрөмүөннэниэҕэ

Кэлэр сылга Дьокуускайга 32 км суол өрөмүөннэниэҕэ
Ааптар: Киин Куорат
Бөлөххө киир

«Россия 24» телевизионнай ханаал быһа эпииригэр куорат баһылыга Евгений Григорьев ааһан иһэр сыл түмүктэрин уонна инники былааннары кэпсээтэ.

Өрөспүүлүкэ киин куоратыгар 2019  сыллаахтан «Куттала суох уонна хаачыстыбалаах суоллар» национальнай бырайыак олоххо киллэриллэр.

«Куттала суох уонна хаачыстыбалаах суоллар» национальнай бырайыак Дьокуускай куорат территориятыгар 2019 сылтан олоххо киирэр. Бырайыак чэрчитинэн, биэс сыл иһигэр 163 км тахса суол тутулунна, уларытан оҥоһулунна, өрөмүөннэннэ. Кэлэр сылга Дьокуускай уулусса-суол ситимин 32 км нуормаҕа эппиэттиир турукка киллэриллэрэ былааннанар», – диэн бэлиэтээтэ Евгений Григорьев.

Куорат баһылыга дойду бэрэсидьиэнэ Владимир Путиҥҥа Арассыыйа территориятыгар бүттүүнүгэр бу бырайыагы көҕүлээн киллэрбитин иһин улахан махталын тириэртэ.

«Бэрэсидьиэммит көмөтүнэн куораппыт өрөмүөннэммит суол ахсаанынан саҥа таһымҥа таҕыста. Ити өрөмүөннэммит 130-тан тахса эбийиэк. Дьон итиннэ түргэнник үөрэммитэ үөрдэр. Бу наһаа дьоһун суолталаах, тоҕо диэтэххэ, суол тутуллар сиригэр урбаан сайдар, саҥа хамсааһын тахсар. Тырааныспар сырыыта тоҕоостооҕо – территориялар сайдыыларын сүрүн хайысхата», – диэн тоһоҕолоон бэлиэтээтэ Евгений Григорьев.

Куорат баһылыга иһитиннэрбитинэн, 2024 сыл бүтүүтэ Дьокуускай территориятын 80% тахса суола нуормаҕа эппиэттиир турукка киллэриллиэҕэ.

 

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!