29.04.2021 | 12:53

Үҥкүүнэн үлүһүйэн, “Кыталыктан” кынаттанан

Кэнники кэмҥэ араас хайысхалаах үҥкүү бөлөхтөрө сир-сир аайы тэриллэ, тэнийэ тураллар. Ким эрэ өр үлэлиир, ким эрэ араас биричиинэнэн ыһыллар.
Үҥкүүнэн үлүһүйэн, “Кыталыктан” кынаттанан
Ааптар: Айыына Донская

Муус устар 29 күнэ – аан дойдуга Үҥкүү күнэ. Түгэнинэн туһанан, Сахабыт сирин аар-саарга аатырдыбыт, РФ үтүөлээх самодеятельнай кэлэктиибин аатын сүгэр “Кыталык” норуодунай үҥкүү ансаамбылын туһунан кылгастык кэпсиибит.

“Кыталык” норуодунай үҥкүү ансаамбылын төрүттээччи, уус-уран салайааччы Василий Павлович Винокуров – Арассыыйа уонна СӨ култууратын үтүөлээх үлэһитэ, РФ “Душа России” национальнай бириэмийэтин лауреата, СӨ култууратын уонна искусствотын бочуоттаах үлэһитэ, СӨ үөрэҕириитин туйгуна, Мэҥэ Хаҥалас улууһун бочуоттаах олохтооҕо. Кини 1978 сыллаахха Кемероватааҕы култуура судаарыстыбаннай институтун хореографияҕа салаатын бүтэрээт, Майа сэлиэнньэтигэр оройуоннааҕы Култуура дьиэтигэр үҥкүү куруһуогун тэрийбит. Онтон сайдан, тэнийэн 1979 сыллаахха  ансаамбыл буолбут.

Саҥа тэриллибит айар кэлэктиипкэ олохтоох мелодист Алексей Леонтьевич Попов “Кыталык” диэн ааты иҥэрбит. 1979 сыл ахсынньы 7 күнүгэр “Кыталык” ансаамбыл “Өрөспүүбүлүкэҕэ бастыҥ үҥкүү кэлэктиибэ” ааты аан бастаан ылар чиэскэ тиксибит. Ити үөрүүлээх күнү Василий Винокуров ансаамбыл төрүттэммит күнүнэн ааҕар. 2004 сыллаахха РФ үөрэҕириитин министиэристибэтэ ансаамбылга «Оҕо образцовай кэлэктиибэ» ааты иҥэрбитэ. 2011 сыллаахха “Кыталык” ансаамбыл аан бастакынан Арассыыйа 23 кэллэктиибин иһигэр киирэн, “Арассыыйа үтүөлээх норуодунай кэлэктиибэ” ааты сүкпүт.

“Кыталык” саамай биллэр үҥкүүтүнэн, нууччалыы эттэххэ, “визитнэй карточкатынан” «Оһуор үҥкүүтэ» буолар. Маны сэргэ И.Избеков “Сыгый Кырынаастыыр” айымньытыгар олоҕурбут «Буойуттар сүрэхтэниилэрэ», Д.Софронов “Ийэ дойду» поэматынан “Уһуктуу», «Кыталыктар үҥкүүлэрэ» уонна онтон да атын туруоруулара көрөөччү сэҥээриитин, биһирэбилин ылаллар.

Хайа күн тэриллиэҕиттэн ыла ансаамбыл ситиһиилэрин ааҕан сиппэккин. Оччотооҕу Сэбиэскэй Сойуус бары муннуктарыттан саҕалаан, «Кыталык» ансаамбыл кыраныысса таһыгар – Монголияҕа, Венгрияҕа, Италияҕа, онтон да атын сирдэргэ ситиһиилээхтик гастроллаабыта.

«Кыталык» 40-тан тахса сыл тухары үүнэр көлүөнэни иитэр-үөрэтэр үлэҕэ, духуобунай уонна култуурунай эйгэҕэ сүдү кылааты киллэрбитэ. Маны сэргэ, бэйэтин улууһугар спортивнай-бальнай үҥкүүнү тэрийбит, ити көрүҥ сайдарыгар кылаатын киллэрбит кэлэктиип. 

Сахабыт сирин бары үҥкүүһүттэрин, үҥкүүнэн үлүһүйэр дьонун Үҥкүү күнүнэн эҕэрдэлиибит, саҥаттан саҥа ситиһиилэри баҕарабыт!

Хаартыскалар интернет ситимиттэн уонна ayarkyt.ru сайтан ылылыннылар.

Сонуннар

Ордук ааҕаллар

Эчи, кыраһыабайыан, сахалыы былаачыйа барахсан...
Дьон | 23.04.2021 | 19:57
Эчи, кыраһыабайыан, сахалыы былаачыйа барахсан...
Мин саха таҥаһын айылҕа кэрэ көстүүтүгэр холоон көрөбүн. Оннук кыраһыабай, кэрэ көстүүлээх, хараҕы манньытар, дууһаны сылаанньытар.   Бүгүн кэпсэтэр Далбар хотунум тигэр былаачыйаларын өрүү ымсыыра көрөбүн.  Хаарыаныы, маннык былаачыйаламмыт киһи диэн баҕа санаа ымыыта оҥостобун. Анна Дмитриевна ЧИРКОВА Бүлүү улууһун Арыылаах нэһилиэгэр олорор, сүрүн дьарыга – иис.  Байбаралаах былаачыйаны 5-10...
Бэрт былдьаһар норуот сайдыбат
Сытыы муннук | 01.05.2021 | 20:45
Бэрт былдьаһар норуот сайдыбат
«Сахалар сүрдээх сэмэй омукпут ээ» дэһэбит ардыгар. Бу бэйэбитин омук быһыытынан сыаналанар быһыыбыт дуу, эбэтэр оннук майгылаахпыт, култууралаахпыт, сиэрдээхпит эбитэ дуу?   Саха кырдьаҕас омугунан биллэр. Өбүгэбит олоххо муударай көрүүтэ үйэлэртэн үйэлэргэ өс хоһоонунан, сахабыт тылын дэгэтинэн хоһуйуллан, күн бүгүҥҥэ диэри тиийэн кэллэҕэ. Үтүө быһыыны оҥордоххо, “Үтүө үтүөнэн эргиллэн кэлэр”...
Тренер үлэтэ үрдүктүк сыаналанна
Дьон | 03.05.2021 | 10:58
Тренер үлэтэ үрдүктүк сыаналанна
Ханнык баҕарар нэһилиэк, сир-дойду аатырар онно олорор дьонунан-сэргэтинэн, кинилэр суон сурахтарынан, оҥорон хаалларбыт дьыалаларынан. Бүгүн биһиги хаһыаппыт ыалдьыта, чахчы да, килбиэннээх олоҕу олорбут, үтүмэн үгүс үлэни үлэлээбит-хамсаабыт, ыччаты спортка, хайыһарга сыһыарбыт, нэһилиэк биир түс-бас, тумус туттар киһитэ, олохтоох самодеятельность актыыбынай кыттыылааҕа, улахан буукубаттан суруллар Учуутал, Тренер Григорий Константинович Дьячковскай. Бу...
Тимир ууһа олоҕу кытта тэҥҥэ хардыылыыр
Дьон | 03.05.2021 | 10:34
Тимир ууһа олоҕу кытта тэҥҥэ хардыылыыр
Саха сиригэр коронавирус ааспыт сылга кэлбитэ. Туох-ханнык балаһыанньа үөскүөхтээҕин ким даҕаны билбэт этэ. Икки атахтааҕы таҥнары баттыыр ыарыыбыт уоскуйар санаата суох. Бу дьаҥы утары охсуһар биир саамай көдьүүстээх тэрилинэн салгыны ыраастыыр рециркуляторы ааттыахха сөп. Саха сиригэр биир бастакынан олоххо киллэрбит киһинэн «Якутия» технопаарка резиденэ Иннокентий Уран буолар.   Иннокентий Уран...