29.01.2020 | 13:23

«JOB JOB» ЭЙИГИН ҮЛЭҔЭ ЫҤЫРАР

«JOB JOB» ЭЙИГИН ҮЛЭҔЭ ЫҤЫРАР
Ааптар: Киин Куорат
Бөлөххө киир

«JOB JOB» ЭЙИГИН ҮЛЭҔЭ ЫҤЫРАР

Хас биирдии олоҕун хайа эрэ кэрдиис кэмигэр син биир үлэ көрдүүр. Маныаха урукку дьон хаһыат биллэриилэригэр наадыйар, билэр дьонноруттан сураһар, Үлэ биржатыгар тиийэ сылдьар этилэр. Бу барыта үгүс элбэх бириэмэни эрэйэр. Оттон аныгы сайдыылаах үйэҕэ үлэни дьиэттэн тахсыбакка олорон көрдүөхххэ, булуохха сөп.

ҮЛЭНИ КИҺИ БУЛАР КЫАХТААХ

Холобура, биир сүрдээх судургу ньыма баар эбит – төлөпүөн сыһыарыыта. Ааптардара, киһи эрэ сөҕүөх, саха ыччаттара – Майатааҕы улуустааҕы гимназияҕа бииргэ үөрэммит доҕордуулар Семен Алексеев, Айсен Федоров, Андрей Босиков. Уолаттар ордук «Ый суола» диэн музыкальнай бөлөҕүнэн биллэллэр. Бүгүн кэпсиир «Job Job” сыһыарыыбын Семен көҕүлээбит, дьиктитэ диэн, уол кик-боксиҥҥа спорт маастарыгар кандидат, боксаҕа бастакы разрядтаах кыахтаах спортсмен эбит, улууһун аатыттан Амма спартакиадатыгар 2-с миэстэ буола сылдьыбыт.

АГИТИ - уонна Үрдүкү инновационнай менеджмент оскуолатын выпускниктара Семен, икки үрдүк үөрэх дипломун укта сылдьан, сөптөөх үлэ булбакка эрэй бөҕөнү көрсүбүт, үлэтэ суох буолуу, үлэ көрдүүр кыһалҕатын этинэн-хаанынан билбит. «Туох көстөрүнэн үлэлии сылдьан, «баҕар билигин ким эрэ мин билиибэр, үөрэхпэр наадыйара буолуо, ону хантан билиэхпиний» диэн санаалар киирэр этилэр. Айтины урут-уруккуттан интэриэһиргиир, ымсыырар буоллаҕым. Ити курдук биисинэс-былаан суруйан, хамаанда тэринэн, ааспыт сайын «Job Job» диэн үлэһити буларга уонна быстах үлэ көрдөөччүлэргэ аналлаах суотабай төлөпүөн сыһыарыытын олоххо киллэрбиппит. Төлөпүөн сыһыарыыта билиҥҥи бириэҕэ саамай судургу. Хас биирдии киһи смартфоннаах, онтун сатаан туһанар буолла».

БИИР КҮҤҤЭ – 10 ТЫҺ. КИҺИ

Биһиги сыһыарыыбытын бүгүн өрөспүүбүлүкэҕэ 36 000 киһи хачайдаан туһанар. Күннээҕи туттааччыта – 10 тыһ. курдук. Манна кыра, быстах үлэттэн саҕалаан, 1 мөл. солкуобайга тиийэ сыаналаах тутуу эбийиэгэр уот тардарга, хотон тутуутугар тиийэ улахан сакаастар киирэллэр. Күннээҕи холтуураларга, холобура,  дьиэ ис-тас үлэтигэр, өрөмүөҥҥэ, ньээҥкэҕэ уо.д.а. наадыйар дьоҥҥо үлэ миэстэтэ олус элбэх. Онон ордук эдэр дьон сөбүлээн туттар буолла. Эн уруһуйдуур, иистэнэр, уһанар буоллаххына эмиэ сайаапкаҕын угуоххун сөп.

  • Эһиги сүрүн сыалгыт тугуй?
  • Бастаан утаа кыһалҕалаах дьону быстах үлэнэн хааччыйыы диэн этэ. Билигин туһанааччыбыт ахсаана элбээн, бөдөҥ, биллэр-көстөр тэрилтэлэр кытта интэриэһиргээн эрэллэр. Онон вахтовай үлэни тэрийээччилэргэ тахсар былааннаахпыт.
  • Маннык сыһыарыылар төлөбүрдээх буолааччылар, эһиэнэ босхо эбит.
  • Оннук, сервис босхо, биһиги эмиэ итинтэн хамнас ылбаппыт. Саҥа дьыл кэнниттэн атын эрэгийиэннэргэ, омук сиригэр таҕыстахпытына, элбэх киһи хачайдаатаҕына, үлэбит сайдан, төлөнөн иһиэ.

Уолаттар билигин ИТ Паарка иһинэн үлэлииллэр, акселератор В8 кыттан, хас да тургутугу ааһан, судаарыстыбаттан сөптөөх көмөнү ылан, билиилэрин хаҥатан, бырайыактарын салгыы саҥа үктэлгэ таһаарар былааннаахтар.

Сонуннар

Ордук ааҕаллар

Дария Маркова:  «Сахам омуга кэтит кэскиллэниэ, уһун тускулланыа»
Дьон | 20.09.2023 | 18:00
Дария Маркова: «Сахам омуга кэтит кэскиллэниэ, уһун тускулланыа»
Туһунан, ураты өйдөөх-санаалаах, кэскиллээх, инникигэ эрэллээх, дойдум туһа диэн көмөҕө инники күөҥҥэ сылдьар ыччат, эдэр дьон баалларыттан киһи эрэ үөрэр, санаата көтөҕүллэр. Үгүс киһи билиҥҥи ыччаты мөҕөр-этэр да, тулабытын көрүннэххэ, дойдубутун тутан хаалыах, чөл толкуйдаах, булугас өйдөөх, күүстээх санаалаах оҕолорбут элбэхтэр эбээт. Мин биир оннук эдэр киһини, “Аламай” аһымал пуонда...
Грипп уонна ОРВИ ыарыыларын утары сэрэтэр миэрэлэри дьүүллэстилэр
Сонуннар | 15.09.2023 | 13:00
Грипп уонна ОРВИ ыарыыларын утары сэрэтэр миэрэлэри дьүүллэстилэр
Куорат баһылыгын социальнай боппуруостарга солбуйааччы Наталья Степанова Олохтоох дьаһалта санитарнай-эпидемиологическэй хамыыһыйатын мунньаҕын ыытта диэн Олохтоох дьаһалта пресс-сулууспата иһитиннэрдэ.
Йога олоҕу уларытар күүһэ
Дьон | 15.09.2023 | 12:00
Йога олоҕу уларытар күүһэ
Аныгы балысхан сайдыылаах үйэҕэ туох барыта көрүөх бэтэрээ өттүгэр уларыйар-тэлэрийэр. Тас эйгэ дьайыытыгар баһыйтаран, бириэмэ сырсыытыгар сылдьан, сорох киһи бэйэтин көрүммэт, онтон сылтаан ис туруга ыһыллар, ыарыыга түргэнник бэринэр.
Елизавета Далбараева:  «Артыыс — уопсастыба киһитэ»
Дьон | 16.09.2023 | 12:00
Елизавета Далбараева: «Артыыс — уопсастыба киһитэ»
Кинини интэриниэт ситимигэр дьээбэлээх-хооболоох тэттик вайннарга үгүстүк көрөр буолуохтааххыт. Куруук үөрэ-көтө сылдьар, дьоҥҥо аламаҕай сыһыаннаах, көрсүө-сэмэй майгылаах Елизавета Далбараева – Үүнэр көлүөнэ тыйаатырын биир саамай чаҕылхай уонна кэскиллээх артыыһа.