06.03.2024 | 10:34

“ИЙЭ ТЫЛ – 2024”

(Тойон мунньах түмүгэ)
“ИЙЭ ТЫЛ – 2024”
Ааптар: Розалия Томская
Бөлөххө киир

Дьокуускайга «Ийэ тыл – 2024» улахан форум «Ийэ тыл» түмсүү, «Барҕарыы» пуонда, «Олоҥхо» ассоциация, «Ийэ тыл кэскилэ», «Ааҕар Саха сирэ», «Саха тыла 400», «Күөрэгэй» түмсүүлэр көҕүлээһиннэринэн буолан ааста.

Секцияларынан үлэ кэнниттэн Саха тыйаатырын уораҕайыгар Тойон мунньах буолла. Форумҥа 12 улуустан, Дьокуускай куораттан 554 киһи уонна 100 “Барҕарыы” конференция кыттыылаахтара муһуннулар. Кэпсэтии, үлэни ырытыһыы, дьүүллэһии 10 түһүлгэнэн ыытылынна.

Кэлиҥҥи сылларга бүтүн Саха сирин уопсастыбаннаһын төрүт тылбыт туттуллар эйгэтэ аччаабыта, куйаар ситимин сабыдыалынан оҕолорбут ийэ тылларыттан тэйбиттэрэ долгутар. Балысхан сайдыы долгунугар оҕустаран, норуот тылын сүтэрэр кутталламмытын илэ харахпытынан көрөр үйэбит үүннэ.

Онтон айманан, санаарҕаан, Саха сирин үрдүнэн түмсүүлээх үлэ саҕаламмытын бэлиэтиэх тустаахпыт. Ол курдук, уопсастыбаннай түмсүүлэр, ситэриилээх былаас уорганнара, биирдиилээн туруу үлэһит дьон кэнчээри ыччаты төрөөбүт тылыттан матарбат туһугар элбэх хайысхалаах үлэни ыытан саҕалаатылар. Улуустарга уонна Дьокуускай куоракка ийэ тылы хараанныыр түмсүүлэр тэрилиннилэр. Сахалыы тыыннаах “ҺӨҔҮҤ”, “СахаТыла400”, “Төрүт тыл” уо.д.а. түмсүүлэр үлэлээн эрэллэр.

Саха саарына Иван Иванович Шамаев дириэктэрдээх Өрөспүүбүлүкэтээҕи лиссиэй-интэринээттэн саҕаламмыт “Күн” оҕолор уопсастыбаннай түмсүү салаалара Саха сирин 12 улууһугар арылыннылар.

Чурапчы, Сунтаар, Уус Алдан, Үөһээ Бүлүү, Өлөөн, Өлүөхүмэ улуустарыгар Ийэ тыл сылын биллэртээн, нэһилиэктэринэн далааһыннаах хамсааһыннары көҕүлээтилэр. Кэккэ улуустарга төрөппүт, уопсастыбаннас төрөөбүт тылбыт билиҥҥи туругун ырытыһар, үөрэтэр конференциялары тэрийдилэр.

Форум Тойон мунньаҕар төрүт тылбытын харыстыыр ытык үлэҕэ “Саха” Национальнай көрдөрөр-иһитиннэрэр хампаанньа биир тутаах үлэни ыытара бэлиэтэннэ. Сахалыы ойуулуктары, оҕо ханаалын элбэппитэ биһирэннэ.

2024 сылга Ийэ тыл күнүн хаһааҥҥытааҕар да элбэх киһи тоҕуоруһан бэлиэтээтэ.

“Сахалыы саҥа сатараатын, саха омук сайыннын! Хас биирдии саха киһитэ ийэ тылын туһунан толкуйдуур бэйэтигэр ирдэбил туруорунар кэмэ кэлбитин өйдүүбүт уонна бүттүүн хамсааһыҥҥа кыттыһан үлэлииргэ бэлэммит!” - диэн санаанан форум Тойон мунньаҕын түмүктээтилэр.

Мунньах түмүгүнэн маннык этиилэр киирдилэр:

Саха тыллаахтарга, саха дьонугар, ханна да олордуннар, Ыҥырыы сурук таһаарарга; 

Дьокуускай куорат сахалыы тыллаах оскуолаларын төрөппүттэрин түмсүүтүн, “Төрүт тыл” логопед түмсүүтүн, “Ааҕар Саха сирэ” уонна да атын түһүлгэлэр этиилэрин барытын киллэриэххэ.

Эрэдээксийэлиир сүбэ тэрийэн, “Ийэ тыл” түмсүү салайааччыта Н.И.Михалева-Сайаны, кини икки солбуйааччытын, түһүлгэлэри ыыппыт модератордары киллэрэн, Түмүк суругу ситэрэн-хоторон биэрэллэригэр сорудахтыырга.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...