17.09.2021 | 11:30

Ил Дархан Махтал суруга туттарылынна

Ил Дархан Махтал суруга туттарылынна
Ааптар: Наталья Руфова

Быйылгы сайыммыт уустук балаһыанньалаах, сорох түгэҥҥэ ыксаллардаах, мунчаарыахха да сөп курдук быһыылаах - майгылаах, күннээх - дьыллаах буолла, этэргэ дылы үрүҥмүт - харабыт биллэр кэмнэрэ буолан ааста. Онно саха норуота, төрүт дьоммут саҕаттан түмсүүлээх, сомоҕолоһуулаах буоларбыт ураты үтүө тыына  күүс - көмө буолла. Тулуурбут - дьулуурбут, туппуппутун ыһыктыбаппыт эмиэ оруолу оонньоото диэн сыаналыыбыт. 
Бу күннэргэ Хатаспыт устун   үөрүүлээх сурах тилийэ сүүрдэ. Биһиги нэһилиэк биир эрэнэ күүтэр - кэтэһэр эдэр киһибит, ыал аҕа баһылыга, талаан тарбахтаах, сатабыллаах, Хатастааҕы ахсыс нүөмэрдээх Баһаарынай чаас байыаһыгар Харитонов Тимур Борисовичка Ил Дархан Махтал суругун Айсен Сергеевич Николаев бэйэтин илиититтэн тутта. Махтал сурукка бэлиэтэнэринэн, Тимур Борисович баһаарга үлэҕэ бэйэтин бары өттүттэн үтүө өрүтүнэн көрдөрбүт, түргэн - тарҕан быһаарыныылаах, ыксаллаах түгэҥҥэ бэйэ бодотун ыспакка бэлэм буоларын ордук чорбоппуттар. 


Тимур Борисович өр сылларга массыына өрөмүөнүгэр (мотуорун да, куорпуһун да) миккиллэн, буһан - хатан ити дьыала ис мыытарапкатын олох үчүгэйдик билэр. Дьэ, бу манна буоллаҕа мындыр өй, сатабыл наадата, манна өссө сүрүн үлэни (өрөмүөнү) таһынан массыына хаһаайыттарын кытта алтыһыы баар, ол туһугар туспа уйулҕа үөрэҕэ диэххэ сөп. Тимур эрэллээх табаарыс, доҕор. Ленин аатынан уулуссаҕа кини саастыыта (кыратык аҕа, кыратык балыс) уонунан уолаттар биир кэмҥэ улааппыттара, билигин кинилэр бары олох үөһүгэр сылдьар норуот хаһаайыстыбатын араас салаатыгар ситиһиилээхтик үлэлии сылдьаллар, бары дьиэлээхтэр - уоттаахтар, оҕолоохтор - уруулаахтар, бары бэйэ - бэйэлэрин олох араас түгэнигэр өйөнсөллөр - убансаллар, көмө - тирэх буолаллар.

Сонуннар

Ордук ааҕаллар

Ырыанан аата тилиннэ
Дьон | 05.05.2022 | 11:00
Ырыанан аата тилиннэ
Ааспыт үйэ 60-70 сыллара... Эдэркээн киһи бэйэтин хоһооҥҥо холонор... Тыа сирин муҥкук, сэмэй уола оччотооҕуга хантан билиэ, сэрэйиэ баарай, инники олоҕун оҥкулун...   Олох диэн дьикти. Өлбүт да кэннэ иккистээн тиллэр, олох олорор диэн баар буолар эбит. Кини орто дойду олоҕуттан арахсыбыта быданнаабытын кэннэ... ол хоһооннорун нөҥүө тилиннэ, бэйэтэ суруйан хаалларбытыныы,...
«Күөх Ньурба»: айылҕа эмтиир күүһүн туһанан
Дьон | 06.05.2022 | 15:00
«Күөх Ньурба»: айылҕа эмтиир күүһүн туһанан
Дьоҥҥо-сэргэҕэ үтүөнү оҥорор баҕа санааны олоххо киллэрэн, Ийэ айылҕабыт биэрэр сүдү күүһүн таба туһаныахха, онно эбии билиини-көрүүнү, сатабылы дьүөрэлээн, бизнес эйгэтигэр бэйэ суолун-ииһин булуохха сөп. Бүгүҥҥү дьоруойдарбыт тустарынан аҕыйах тылынан билиһиннэрдэххэ, итинник.      Дмитрий, Дайаана Саввиновтар 2013 сылтан дьиэ кэргэнинэн ыҥырыа иитиитинэн дьарыктаналлар. Бастаан ыал ийэтин дойдутугар – Сунтаарга үлэлээн саҕалаабыттар....
Бэртээхэй да идэ — бэтэринээр
Сонуннар | 04.05.2022 | 16:24
Бэртээхэй да идэ — бэтэринээр
Муус устар 30 күнүгэр Бэтэринээр күнэ буолан ааста.  Бу идэ биһиэхэ, сүөһүлээх-сылгылаах сахаларга, олус чугас. Биһиги Хатаспатыгар былыр-былыргыттан бэтэринээрдэр баар буоланнар, устуоруйаҕа киирбит аймалҕаннаах, элбэх сүтүктээх бруцеллез, сэллик курдук сыстыганнаах ыарыылар суох буолбуттара. Ама да ааспытын иһин, улахан хоромньуну таһаарбыт ыарыыны суох гынаары, саҥа атахха туран кэҥээн-тэнийэн эрэр хаһаайыстыбалары эһэн,...