15.03.2022 | 16:00

Ил Дархан коронавирус хааччахтарын улахан аҥарын уһулла

Ил Дархан коронавирус хааччахтарын улахан аҥарын уһулла
Ааптар: Киин Куорат

Саха сирин территориятыгар коронавируска сыһыаннаах эпидемиологическай быһыы-майгы бигэтик тупсан иһэринэн сибээстээн Ил Дархан Айсен Николаев хааччахтар улахан аҥардарын уһулла. Туһааннаах ыйаахха 2022 сыл кулун тутар 14 күнүгэр илии баттаата. Бу туһунан Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата иһитиннэрдэ.
Ыйаахха олоҕуран түүҥҥү кулууптар, дискотекалар, караоке-саалалар, саататыы уонна сынньалаҥ тэрилтэлэрин үлэлэрэ сөргүтүлүннэ. 
Маассабай тэрээһиннэри ыытарга саалалары 75 эрэ бырыһыан толоруу тохтоото. Ол эрэн, сабыылаах сирдэргэ (закрытые помещения) ыытыллар тэрээһиннэргэ быһыы ылбыт туһунан QR-коду эбэтэр «отрицательнай» ПЦР-тиэһи көрдөрүү ирдэнэр. 500-тэн тахса киһи кыттыылаах тэрээһиннэри ыытарга СӨ Роспотребнадзор Управлениетын кытта сөбүлэһии оҥоһуллуохтаах. 
Маны сэргэ Дьокуускай, Мирнэй уонна Удачнай аэропортарыгар кэлбит гражданнар температураларын кээмэйдээһин тохтоото. 
Саха сирин территориятыгар саҥа сымнатыы миэрэлэрэ киирбиттэрин учуоттаан, эпидемияны утары хааччахтар – мааска кэтэр эрэсиим, социальнай дистанция, уопсастыбаннай миэстэлэри дезинфекциялааһын оннунан хаалаллар. Итини сэргэ быһыыны ылбатах 60-тан үөһэ саастаах гражданнарга «самоизоляция» эрэсиимэ салҕанар.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Похуоттуу бардыбыт!
Сынньалаңңа | 14.05.2022 | 15:33
Похуоттуу бардыбыт!
Бу күннэргэ дьиэ кэргэнинэн, кылааһынан похуоттар саҕаланыахтара. Үчүгэй сынньалаҥы көрдөөх бырагыраама киэргэтэр. Сөбүлэһэҕит? Оччоҕуна “Киин куорат” бэлэмнээбит оонньууларын сэргээҥ, сэҥээриҥ!    Хамсаныылаах оонньуулар «Светофор» Хонууга эбэтэр балаһааккаҕа оонньонор. Онно икки уһун сурааһыны тардаҕыт. Бастакы сурааһын кэннигэр кыттааччылар оонньуу саҕаланыытыгар тураллар. Оттон иккис сурааһыҥҥа диэри ыытааччыттан (эккирэтэр киһи) куотан тиийиэхтээхтэр. Бастаан ыытааччыны...