06.05.2021 | 13:48

“Хотугу сулус” өркөн өйдөөхтөрү ыҥырар

“Хотугу сулус” өркөн өйдөөхтөрү ыҥырар
Ааптар: Киин Куорат
Бөлөххө киир

Дьокуускай куоракка ыам ыйын 3 күнүттэн музейдар икки ардыларыгар «Арктика драматургтарын оскуолата" бырайыак чэрчитинэн "Хотугу сулус" диэн литературнай квест ыытыллар. Бырайыак аата да этэринии, сорудахтар Арктика, хоту дойду прозатын, поэзиятын, ону тэҥэ биһиги суруйааччыларбыт айымньыларын дьоруойдарын туһунан буолуохтара. 
Манна Дьокуускай куорат олохтоохторо уонна ыалдьыттара кыттыахтарын сөп. Квест ыам ыйын 15 күнүгэр диэри ыытыллар. Буолар сирдэрэ:
- "Арассыыйа – мин историям" история паарката;
- Е.Ярославскай аатынан музей; 
- Муусука уонна фольклор музейа;
- Хомус музейа;
- Литературнай музей (П.Ойуунускай мемориальнай дьиэтин киллэрэн туран) уонна "Красин" ледокол!
Квесткэ кыттыы – босхо, музейдарга киирии – билиэтинэн. 
Интеллектуальнай оонньуу сүрүн спонсора –  аатырбыт "Красин" ледокол-музей. Квест кыайыылааҕа Петербург куоракка, лейтенант Шмидт кытылыгар,  "Красин" ледокол каютатыгар 3 хонукка олоруоҕа. Маны таһынан кыттааччылар бары ледокол почтовай дьааһыгыттан музей бэлиэлээх аккырыыккалары уонна Дьокуускай музейдарыттан өйдөбүнньүк бэлэхтэри ылыахтара. 
Оонньууга кыттыан баҕалаахтар, сайаапкаҕытын 89963165854 бассаап  нүөмэргэ ыытаҕыт, хамаандаҕыт аатын суруйаҕыт. Оччоҕо эһиэхэ ыйытыктардаах pdf файл кэлиэҕэ. Онно музейдар үлэлиир күннэрэ, чаастара ыйыллар. Хоруйдары үөһэ этиллибит музейдарга булуохха сөп ("Красин" экспозициятыгар сыһыаннаах хоруйу музей сайтыгар киирэн көрдүүгүт). Сорудахтаргытын толорон баран, 89963165854 нүөмэргэ ыам ыйын 14 күнүгэр киэһэ 18 чааска диэри ыытаҕыт.
Кыайыылаахтар ааттара ыам ыйын 15 күнүгэр  "Арассыыйа – мин историям" история пааркатыгар "Музейга түүн" бырааһынньыкка "Красин" ледоколу кытта быһа холбонууга биллиэҕэ. 
Өрөбүл күннэри туһалаахтык атаарыахха. Историяны уонна литератураны үөрэтэр оонньууга көхтөөхтүк кыттыахха. Барыгытыгар ситиһии тосхойдун!

Сонуннар

Ордук ааҕаллар

Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.
Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...