ХИФУ эйигин күүтэр!

Сотору БКЭ саҕаланыаҕа. Үөрэххэ туттарсыы чугаһаата. Ол аайы оҕолор, төрөппүттэр, учууталлар долгуйаллара үксүүр. М.К. Аммосов аатынан Хотугулуу-Илиҥҥи федеральнай университет Киин приемнай хамыыһыйата абитуриеннар 5 сүрүн ыйытыыларыгар хоруйдаата.

Ыйыт – хоруйдуубут

1. Приемнай хамыыһыйа хаһан саҕаланарый? 

ХИФУ үгэс быһыытынан бэс ыйын 20 күнүттэн докумуоннары тутуоҕа. 

2. Докумуоннарбытын хайдах туттарабыт?

☑ үөрэххэ туттарсааччылар бэйэлэрэ эбэтэр дэбиэринэстээх киһинэн;

☑ priem2022.s-vfu.ru анал сайтка абитуриент тус кабинетыгар электроннай көрүҥүнэн;

☑ Судаарыстыбаннай уонна муниципальнай өҥөлөр порталларын нөҥүө «Поступление в вуз онлайн» суперсервис көмөтүнэн;

☑ Почтанан бу аадырыска: Дьокуускай куорат, Белинскэй уул., 58.

☑ Орто анал үөрэх уонна ординатура бырагырааматыгар докумуоннары электроннай почтанан ыытыахха сөп. 

❕ Электроннай көрүҥүнэн ыытар буоллаххытына, докумуоннаргыт чуолкайдык көстүөхтээхтэр.

3. Быйыл бүддьүөт миэстэтэ төһө буоларый?

ХИФУ бүддьүөт миэстэтигэр 4 350 киһини ылар былааннаах. Ону сэргэ, 1 500 киһи төлөбүрдээх үөрэххэ киириэн сөп.

Салгыы бу кюар-кодтары туһанан, үөрэх бырагыраамаларын испииһэгин, быйыл ханнык үөрэххэ хас миэстэ көрүллүбүтүн бил.

Бакалавриат уонна специалитет: 

Орто анал үөрэх:

Магистратура:

Ординатура:

4. Докумуоннары туттарыыга медицинскэй ыспыраапка хайаан да наада дуо?

Булгуччу ирдэммэт, ол эрээри баара биһирэнэр. Чуолаан сорох идэлэргэ (холобур, медицинскэй, педагогическай уо.д.а.).

5. Абитуриеннарга уопсай дьиэ көрүллүө дуо?

Быйыл үөрэххэ туттарсааччылары Студгородокка дьэ киллэрэр кыахтанныбыт. Сиһилии кэлин биллэриэхпит.

Абитуриент, болҕой!

Быйыл үөрэххэ туттарсар ааҕааччыларбыт М.К. Аммосов аатынан ХИФУ Киин приемнай хамыыһыйатын сонуннарын билэ-көрө олордуннар диэн наадалаах аадырыстары таһаарабыт. Тускутугар туһаныҥ!

• Киин приемнай хамыыһыйа аадырыһа: Дьокуускай куорат, Кулаковскай уул., 42, Үөрэх сүрүн куорпуһа, 123 «а» кабинет.  

• Төл.: (4112) 49-69-62

• Сайт: priem.s-vfu.ru

• Портал: postupi.s-vfu.ru

• Эл. почта: priem@s-vfu.ru

• ВКонтакте: https://vk.com/cpk_official

• Telegram: https://t.me/cpk_svfu

Хаартыскалар куйаар ситимиттэн ылылыннылар