06.12.2023 | 10:00

Хатас оскуолатыгар үс этээстээх салҕааһын тутулунна

«Үөрэҕирии» национальнай бырайыак чэрчитинэн, Хатас сэлиэнньэтин оскуолатыгар эбии 120 миэстэлээх, үс этээстээх салҕааһын тутулунна.
Хатас оскуолатыгар үс этээстээх салҕааһын тутулунна
Ааптар: Киин Куорат
Бөлөххө киир

Салҕааһын тутуута өрөспүүбүлүкэ баһылыга Айсен Николаев куорат 2032 сылга диэри сайдыытын туһунан ыйааҕар олоҕуран, социальнай эбийиэктэри тутуу былааныгар киирэр.

Салҕааһын үс этээстээх, 4,9 тыһ. кв. м. тахса уопсай иэннээх. Манна 19 кылаас, библиотека, медкэбиниэт, 140 миэстэлээх аактабай саала, спорт саалата, мастарыскыай, 120 миэстэлээх остолобуой, киинэ уонна хаартыска устуудьуйата баар буолаллар.

Оскуола дириэктэрэ Николай Слепцов бэлиэтээбитинэн, салҕааһын үлэҕэ киирэргэ бэлэм. Бу күннэргэ Роспотребнадзортан санитарнай түмүгү ылыахтара, онтон Рособрнадзорга үөрэтэр көҥүлү ыларга докумуоннарын туттарыахтара.

«Дьиэни ахсынньы 22 эбэтэр 23 күннэригэр арыйары, манна 8-11 кылаастары үөрэтэри былаанныыбыт. Төрөппүттэр уонна оҕолор астыннылар. Хара маҥнайгыттан бэдэрээтчит «Сэттэ» ХЭТ кытта дизайн-бырайыакка,  хас биирдии этээһи оҥорууга бииргэ үлэлэстибит», – диэтэ оскуола дириэктэрэ.

Быйыл үс этээстээх, 400 миэстэлээх, 2004 сыллаахха үлэҕэ киирбит оскуола сүрүн куорпуһугар хапытаалынай өрөмүөн ыытылынна. Үөрэнэр кэбиниэттэр саҥа тэрилинэн хааччылыннылар.

«Үөрэҕирии» национальнай бырайыагынан быйыл өссө 20 оскуола үлэҕэ киириэхтээх. «Точка роста» үөрэҕирии кииннэрэ тэрилиннилэр, Саха сирин бары оскуолалара түргэн интэриниэккэ холбоннулар.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!