Хас биирдии кыһалҕа болҕомтоҕо ылыллыаҕа

Дьиэ таһынааҕы чалбахтары хачайдаабат, көҥүлэ суох сиргэ бөҕү кутар, дьэллик ыттар буулуур буоллахтарына эбэтэр итинтэн да атын хомунаалынай кыһалҕаны көрүстэххитинэ – Дьокуускай куораты салайыы муниципальнай киинигэр (МЦУ) биллэриҥ диэн Олохтоох дьаһалта Yakutskcity.ru официальнай сайта иһитиннэрдэ. 
МЦУ эппиэтинэстээх биэдэмистибэлэри кытта олохтоохтор кыһалҕаларынан дьарыктаныаҕа уонна туох быһаарыы ылыныллыбытын хонтуруоллуоҕа. 
Кыһалҕа туһунан хайдах биллэрэбит?
Ватсап–бот нүөмэрэ: 8914 261-06-98.
1.    Кылгастык кыһалҕа сүнньүн ыйабыт;
2. Аадырыспытын суруйабыт;
3. Хаартыскатын угабыт (баар буоллаҕына).
Итини сэргэ МЦУ https://t.me/mtsuykt телеграм-ханаалыгар киирэргитин умнумаҥ.