17.12.2021 | 18:21

Хаарбах туруктаах дьиэттэн – саҥа кыбартыыраларга

Хаарбах туруктаах дьиэттэн – саҥа кыбартыыраларга
Ааптар: Киин Куорат
Бөлөххө киир

РФ Бэрэсидьиэнэ Владимир Путин гражданнары эргэ уонна хаарбах туруктаах дьиэттэн түргэнник көһөрөр туһунан сорудаҕын толоруу чэрчитинэн  олохтоох дьаһалта улахан, түһүмэхтэрдээх үлэни ыытар. Итиннэ Дьокуускай куораттааҕы Дуума дьокутааттара көхтөөх кыттыыны ылаллар. Бу туһунан Дуума пресс-сулууспата иһитиннэрдэ. 
Ахсынньы 16 күнүгэр «Птицефабрика» дьоҕус оройуонун саҥа 4 этээстээх дьиэтигэр кыбартыыралар күлүүстэрин хаһаайыттарыгар, урут эргэ уонна хаарбах туруктаах дьиэлэргэ олорбут гражданнарга, үөрүүлээх быһыыга-майгыга  туттарбыттар. Бу дьиэҕэ көһөрүүгэ анаан барыта 68 кыбартыыра ылыллыбыт. 


Үөрүүлээх түгэнинэн олохтоохтору куорат баһылыга Евгений Григорьев, Дьокуускай куораттааҕы Дуума бэрэссэдээтэлин солбуйааччы Евдокия Евсикова уонна «Оптима-Строй» ХЭТ генеральнай дириэктэрэ Арагац Папоян эҕэрдэлээбиттэр.
Куорат уокуругун баһылыга Евгений Григорьев нэһилиэнньэҕэ маннык дьоһун суолталаах тэрээһиҥҥэ сылдьар дьоллооҕун эппит. Кини хас биирдии киһиэхэ дьиэ саамай ураты күндү миэстэ буоларын бэлиэтээбит уонна олохтоохторго дьолу, элбэх үөрүүлээх түбүктэри баҕарбыт. 
Бэйэтин эҕэрдэтигэр Евдокия Евсикова гражданнары эргэ уонна хаарбах дьиэттэн көһөрөргө туһуламмыт федеральнай уонна региональнай бырагыраамалар көдьүүстэрин туһунан эппит. Кини көһөрүү маннык тэтимнээхтик бардаҕына сотору эргэ мас дьиэ ордуо суоҕа уонна киин куорат 400 сылын бүтүннүү саҥардыллан көрсүөҕэ диэн бэлиэтээбит. 
Тэрээһин түмүгэр Арагац Папоян бэлиэ күлүүһү дьиэ старостатыгар туттарбыт. Дьиэ олохтоохторо эҕэрдэ тылы эппиттэр, уопсай хартыыскаҕа түһүү буолбут.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...